醉翁亭火鍋館 (已結業)

星期六日好钟意同屋企人嚟到鳄鱼恤大厦饮茶，不过从来都唔知道原来晚市醉翁亭茶楼竟然系食打边炉嘅！今次佢带我嚟先至第一次试下！朋友话俾我听原来佢一早喺Facebook download定coupon!! 有得平$30㖞！见到个餐单有啲无从入手，店员见到我哋成个？喺头度就走过来介绍啦！原来任饮任食已经包左一个海鲜盘同埋刺身盘！你见到呢上面呢个海鲜盘其实只系二人份量，净系食呢个都够啦！仲话任叫！望得出海鲜都好新鲜，最值得推介系个扇贝同埋蛏子，其实冇谂过任饮任食都有呢个质素嘅海鲜！刺身盘，作为前菜都几满意！佢哋话每日刺身嘅供应都唔同，睇下你好唔好彩撞到你想食嘅刺身啦！冬菇炆花胶，花胶好大嚿，真系每人一旧大大嚿再加冬菇㗎！性价比奇高！前面食得太多野啦，之后再任叫都唔知叫咩好因为其实都已经有啲饱，身为食肉兽嘅我当然会叫番碟肥牛啦！肥牛质素都唔错！仲竟然有得间我最爱嘅竹笙，鹅肠同埋猪润，系任叫任食黎讲选择都算好丰富！减完$30其实真系超值呀！