影片
更多
2010-12-09
27 浏览
因为有一张乌冬赠券，话价值$58，所以咁短期内再嚟帮衬鸣门一次，谂住唔好嘥张赠券丫嘛！荃新天地俾我嘅感觉系旺星期六、日，平日嚟都几静吓，由于依次志在用咗张赠券，所以只系平平哋食个晏，定食一般四、五十就有交易，贵啲嘅就七、八十，由于都有个免费乌冬，而太太又钟意食烧银雪鱼，所以拣咗个贵嘅「汁烧银雪鱼定食」$78，再加埋个「温泉玉子冷稻庭乌冬」$58，谂住都够，点知……系唔太够！汁烧银雪鱼定食个定食好快就到，包埋味噌汤、沙律、白饭同餐饮。味噌汤面豉味颇浓，算系有个好开始；而沙律只系普通货色，沙律菜、蕃茄粒配啲日本油醋；白饭，日本珍珠米，饭粒软熟而带少少粘糯，有米饭香，几对胃口。讲到主菜汁烧银雪鱼，睇卖相烧得甘香几靓，食落鱼油十足，肉质细嫩，但旧鱼嘅尺码真系有啲细，得一件，夹几啖就食晒，送饭勉强够。温泉玉子冷稻庭乌冬个乌冬唔知点解等咗好耐，同老婆一齐食住个银雪鱼边食边等，有少少尴尬，因为差唔多个定食都食完，个乌冬都未到，搞到好似两个人悭到要叫一个餐两份食！结果，都系食完晒个定食，个乌冬先到，唉，估唔到仲要系咁细碗添，出乎意料之外，又系得几啖咮咮声食鬼完嘅份量，唔知佢正常嘅份量都系咁丫？定因为我
汁烧银雪鱼定食
个定食好快就到，包埋味噌汤、沙律、白饭同餐饮。味噌汤面豉味颇浓，算系有个好开始；而沙律只系普通货色，沙律菜、蕃茄粒配啲日本油醋；白饭，日本珍珠米，饭粒软熟而带少少粘糯，有米饭香，几对胃口。讲到主菜汁烧银雪鱼，睇卖相烧得甘香几靓，食落鱼油十足，肉质细嫩，但旧鱼嘅尺码真系有啲细，得一件，夹几啖就食晒，送饭勉强够。
温泉玉子冷稻庭乌冬
个乌冬唔知点解等咗好耐，同老婆一齐食住个银雪鱼边食边等，有少少尴尬，因为差唔多个定食都食完，个乌冬都未到，搞到好似两个人悭到要叫一个餐两份食！结果，都系食完晒个定食，个乌冬先到，唉，估唔到仲要系咁细碗添，出乎意料之外，又系得几啖咮咮声食鬼完嘅份量，唔知佢正常嘅份量都系咁丫？定因为我哋系免费赠食先咁细？话虽如此，个乌冬确实几有水准，表面滑溜非常，咬落带啲烟韧有咬口，食到咮咮声，配上冷面汁，味道恰好无过咸，而温泉蛋都好得，蛋黄荡吓荡吓半生熟咁，笃穿蛋汁涌流，蛋味又浓。不过，若以$58个价心理总觉有啲贵，乌冬加蛋咋㖞，如果识欣赏，你又会觉得值！食嘢就系咁，贵唔贵，同值唔值，系两件事。
题外话，定食嘅餐饮热柚子蜜，漏单，追完再追先有，所以，服务方面同出菜嘅时间有需要改善吓。本应依餐加埋一要$150，但个乌冬唔使钱，连加一都无收，只计个定食，实收$86！
张贴
