影片
更多
2022-07-07
82 浏览
收工后想舒缓压力，酒和朋友真系不可缺少。今次就嚟咗旺角令和居酒屋。我叫咗餐厅自家酿制嘅梅酒，朋友就叫咗热情果梳打，两杯味道都唔错。令和玉子烧，卖相非常靓仔，基本上系每台嘅必叫自选，亦都系打卡嘅好选择。蟹子沙律，望落细细兜，食落份量到十足，味道正常。炸豆腐，原本想像中系冇酱汁，好似港式大排档𠮶种，好明显我就唔够了解日本文化，其实浸左酱汁，上面再放咗啲木鱼。A4日本黑毛和牛加野菜豆腐篮，我哋拣咗寿喜烧汤底，佢比起一般嘅寿喜烧汤底更加甜，如果好好甜嘅都可以试一试。和牛方面偏肥，有啲边边位如果冇筋嘅话系好软冧，几有牛味。野菜比得都几大方，会好饱肚。串烧方面我哋都叫咗好多唔同，有汁烧牛蒡、汁烧牛筋、鳗鱼串、鸡软骨、白葱豚肉串，咁多样里面，我觉得白葱豚肉串比较出色。甜虾刺身，味道正常， OK好食。和牛渣宰烧茄子，本身同朋友食嘅时候唔系好知上面嘅系乜嘢，原来系和牛肥膏炸出嚟嘅脆脆，好似猪油渣啲friend。我谂厨师系特登谂过特登平衡返下面较为清淡调味嘅茄子。食咗咁多咁多嘢食，其实都捧住个肚走，要讲到今日VIP一定系银鳕鱼西京烧，问咗侍应，西京烧嘅意思系用白豆豉喺煮之前先腌咗个银鳕鱼，银鳕鱼本身好滑，
我叫咗餐厅自家酿制嘅梅酒，朋友就叫咗热情果梳打，两杯味道都唔错。
令和玉子烧，卖相非常靓仔，基本上系每台嘅必叫自选，亦都系打卡嘅好选择。
蟹子沙律，望落细细兜，食落份量到十足，味道正常。
炸豆腐，原本想像中系冇酱汁，好似港式大排档𠮶种，好明显我就唔够了解日本文化，其实浸左酱汁，上面再放咗啲木鱼。
A4日本黑毛和牛加野菜豆腐篮，我哋拣咗寿喜烧汤底，佢比起一般嘅寿喜烧汤底更加甜，如果好好甜嘅都可以试一试。和牛方面偏肥，有啲边边位如果冇筋嘅话系好软冧，几有牛味。野菜比得都几大方，会好饱肚。
串烧方面我哋都叫咗好多唔同，有汁烧牛蒡、汁烧牛筋、鳗鱼串、鸡软骨、白葱豚肉串，咁多样里面，我觉得白葱豚肉串比较出色。
甜虾刺身，味道正常， OK好食。
和牛渣宰烧茄子，本身同朋友食嘅时候唔系好知上面嘅系乜嘢，原来系和牛肥膏炸出嚟嘅脆脆，好似猪油渣啲friend。我谂厨师系特登谂过特登平衡返下面较为清淡调味嘅茄子。
食咗咁多咁多嘢食，其实都捧住个肚走，要讲到今日VIP一定系银鳕鱼西京烧，问咗侍应，西京烧嘅意思系用白豆豉喺煮之前先腌咗个银鳕鱼，银鳕鱼本身好滑，个皮都好脆，所以整体系几好食，亦都系咁多样嘢食里面我最钟意嘅一道。
张贴
