天府人家

营业中

休息中

同朋友两个人都唔系话好食得大辣，但偏偏对川菜情有独钟，因为酸而麻既感觉相当顶隐。太多野都想食，所以就叫左二人餐，份量十足，并冇因为系套餐而减少份量，可以话系捧住个肚走！凉拌小木耳非常清新既前菜，醋酸味好开胃。双椒皮蛋豆腐同平时既食法有啲不同，中间既系帮你捞左既皮蛋豆腐，啲酱料相当惹味。酸菜桂花鱼桂花鱼切片，肉质相当嫩滑，汤味浓又唔会过酸，小小辣调味，入面仲有红薯粉。野菌杂菜煲有菌类，生菜同西洋菜。特别一提西洋菜好出色，一啲都唔老，而且系炒得最入味既菜，好食！红糖糍粑最后系甜品，似麻薯糯米糍既质感，出面几香口，入面仲有红豆，点埋红糖酱一齐食，唔会过甜，味道好夹。