和喜雲南米線

营业中

休息中

做到三点都未有野落过肚，求求其揾间铺就钟咗什去。于乎就入咗去间叫和喜，食米喜嘅厅餐医肚。由于已经三点，所以谂住食少少就算，咁啱佢又有下午茶餐，有两款。一款系自选米线送饮品，第二款系28，米线配两只鸡翼，二话不说就决定食佢。 佢有麻辣同香草鸡翼拣，我要咗麻辣鸡翼加小锅米线，佢可以另加钱选配料，好似一般食米线咁，我就冇加到，所以$28埋单。等咗一阵，最终有得医肚。虽然话下午茶餐，但同正餐冇分别，重多过谭仔果啲，非常多。小锅米线姐系清汤，虽然话系清汤，但都好清甜。重有腐皮，韮菜，肉碎，葱等等嘅配料，唔加𩠌都唔太孤寡，而且重有鸡翼。米线弹牙唔淋，几好，同埋好多，好大碗。至于鸡翼，冇咩腌过，只系用waver叮完再起面洒啲麻辣粉，好家庭式，由于急住食完出去赶车返公司，所以冇影到。下次会再黎试下其他野食。