過橋麵檔

营业中

休息中

呢日放假训到好晏先起身,跟住同女朋友出左元朗食野, 去左食过桥面档。我中意食佢霸王鸡饭!霸王鸡配菜饭 另加例汤霸王鸡可配菜饭又可以配面~菜饭都几大碗, 都几好食的~例汤几足料,几多汤料的~味道都可以。女朋友就叫左配面,面可以拣, 米粉河粉个D, 女朋友就叫左上海面。上海面系上海幼面来, 都几弹牙, 几好食的~系个汤有少少淡, 落少少辣油会好食D!当然主角系霸王鸡啦!霸王鸡真系好好味!首先佢劲大碟, 份量十足!其次佢大多都系跟脾的(我食左咁多次都系),鸡肉好嫩滑,配上豉油炸蒜葱丝同姜丝~真系好鬼正!个底仲有大量芽菜, 我觉得连葱丝同姜丝,可以中和返, 唔怕太重味!