東記上海麵

营业中

休息中

虽然住系大埔，但好少去新街市食，一去既话就会黎呢度食野。讲环境，呢到就当然比较嘈吵，座位亦唔舒适，感觉就好似去左街边大排档。不过好在有冷气，即使系夏天都唔会身水身汁，比起旧式既熟食中心已经好好多!黎到就当然要黎碗猪扒上海粗面。仲可以双拼的，不过一心黎食猪扒既我，单单系猪扒已经够满足。面首先黎到，粗面比起一般既粗身，面条弹牙烟韧。若果只食面，感觉系会觉得好淡而冇味，因为汤底半身都几淡味。但配上炸猪扒时就唔同哂了，猪扒份量好多而且厚厚既，炸得热辣兼金黄。食落味道比较咸，但配埋面食就会岩岩好了，一咸一淡十分配合。猪扒肉质松软而且肉味亦足够。由于猪扒份量十足，只食猪扒亦足以够饱，十分抵食。不过唯一唔好系好热气姐!总括来说虽然比普通的面贵少少，但也觉得物超所值。一定会再去食过!