NAM NAM VIETNAMESE CUISINE

营业中

休息中

朋友介绍话呢间越南嘢好抵食，过开airside就嚟试吓！街头沙嗲串烧 4串 ($88)拣咗牛肉同鸡肉各两串，鸡肉软嫩多汁，牛肉肉味浓郁，加埋沙嗲酱香口惹味。香芒虾仁米纸卷 ($78)烟韧嘅米纸包住酸甜芒果、爽脆生菜、清爽青瓜、檬粉同虾仁，口感丰富，清新又开胃。
烧猪颈肉(半份) ($48)虽然半份但份量都好多，猪颈肉厚度适中，食落焦香爽弹，点埋酸辣酱就更惹味醒胃。
越南汤粉叁并($98)拣咗牛丸、牛𦟌、生牛肉同河粉。汤底浓郁不油腻，牛丸弹牙，肉味浓厚，牛𦟌腍得嚟有咬口，生牛肉软滑，略带油脂。