英記麵家

营业中

休息中

返工前当然要医一医肚，如果唔系会无气力做野架，发现原来高街都真系几多野食架㖞，最后入左黎英记食返碗面先。大概 12:30 去到，未系好多人，因为D学生哥未放LUNCH，所以可以静静地食个面先。见佢单拼全部都系 $20 碗，真系唔贵㖞，你知啦，而家出面D店铺真系加得就加架啦。最后要左碗牛什牛腩米，眨下眼 3 分钟唔驶就摆到你面前啦。碗米粉唔大，但佢个面头已经俾D料布满哂啦，真系好多架，我食哂D米粉都仲有D牛肚牛腩未食哂。牛腩唔算肥，但好在都算淋，唔会UN到咬都咬唔到，偶然夹杂少少肥膏，食落有牛味。细个最钟意食牛肚，因为觉得佢烟烟UNUN又唔似牛腩咁成旧肉摆入口，呢度既牛肚都唔错，又系够淋，唔会完全咬唔开。牛肠都好食呀，好多肥油，见到虽然好惊，但食落真系好香，所以都系懒理食左先算啦，成碗野味道绝对是足够的，如果汤底再浓味少少就好啦。呢度只供应汽水，啱哂D中学生，我想饮咖啡就无啦，哈哈，食完既时候见到一大堆学生黎紧，都系快D走唔好阻住人做生意啦。