湘聚小廚

营业中

休息中

今日突然好想食酸菜鱼，所以喺男朋友屋企附近揾左最近嘅湘菜。去到餐厅人流都几多，不过好彩唔洗等位。我地叫左两个𩠌加两个饭，冇谂过份量超级多，两个𩠌都好大份，应该4个人都够食。虫草花蒸鸡好多鸡，都食到有虫草，不过整体偏咸，似豉油鸡多啲，送饭好啲。椒香酸菜鱼本身期待已久，不过食落觉得好失望。鱼嘅份量系好多，我地两个人食左一大半，又装走左满满两大盒。不过鱼真心多骨，食到冇心机食。可能餐厅正宗酸菜鱼，所以酸菜好多，盖哂鱼味，好酸而辣味唔多，啲辣椒似装饰多啲。最后两个人食左300几蚊，以食物份量嚟讲唔算贵，不过酸菜鱼真心有啲失望，应该唔会再去食。