葵涌百得阿姨

营业中

休息中

上次夜晚经过葵广想食车仔面，见到呢间百得呀姨就试下啦，三𩠌车仔面都系36蚊，唔包野饮，都好抵食。第一次食叫左牛腩，猪肠，腩肉油面，味道都唔差，而且份量十足。所以第二次再去食，原来下午茶系会包埋野饮，不过店员可能见我地自己饮紧珍珠奶茶，所以冇讲到，而我自己又睇唔到。食食下见到原来包野饮，咁我就问佢啦，佢话：你地都饮紧野，唔洗再叫野饮啦。首先，都好多谢佢地铺头比客人自己带外来野饮，但系我觉得原本系餐包埋既，都可以问一下客人。店员比我既感觉系唔想我地叫野饮，其实我两个人都系买左一杯珍奶姐，所以到最后都叫左杯冻啡。总括黎讲，价钱亲民，份量多，味道正常。