葵涌百得阿姨

营业中

休息中

我叫中辣最後一D都唔辣懷疑佢地冇食過真正嘅酸辣粉⋯⋯服務態度好差 叫極都唔應筷子插晒喺度都唔乾淨真係好失望好伏上一客走咗，要等我哋叫嚟抹枱我真係⋯⋯⋯⋯⋯⋯⋯⋯⋯

坐得勁逼，叫極都無人黎抺台，侍應態度勁差，直行直過當見唔到。最低消費$36，填完紙仔，個侍應無啦啦企係度，勁唔耐煩，問佢咩事，聲大大勁惡原來要即刻收錢。碗湯底同水無分別，成碗麵完全無味，本身賣又賣得貴過人，質素差人咁多，態度又差，以後唔幫襯

同個朋友想試呢間餐廳好耐咁咁啱嗰日冇人就入咗去結果先唔好講啲位置坐得唔舒服個阿姨係完全唔會主動過嚟幫你抹枱好聲好氣請佢過嚟幫手抹枱 都要等成分幾鐘服務態度已經唔太好跟住寫紙仔去✓自己想食嘅嘢(心心念念嘅湯粗薯)最低消費36蚊 酸辣薯粉係要28蚊起(比喺車仔麵仲貴)一個餸要九蚊 叫咗兩個餸朋友叫咗一碗車仔麵然後啲嘢食送到嘅時候個阿姨就催我哋去畀錢 荒死我哋會唔賣單咁前文有提到我對碗紅粗薯充滿咗期待結果一啖食落去之後 其實係河粉啲friend然後個湯底仲要係唔酸唔辣我望住個朋友嘅湯底我 兩個互相試咗一下結果 兩個係一模一樣樣！我就唔明喇 點解只係換咗個粉 個起價會相差咁遠？但係湯底冇換到都可以叫做酸辣粉嘅？關鍵係佢成碗野真係一啲都唔好食！個湯底又唔掂 薯粉又唔得 啲食材又唔新鮮食完幾日之後特登download個app寫返份食評豈有此理！完全唔推薦呢一間嘢相同價錢 其實可以食更加好呢間舖頭真係搵笨川味兩個餸都係四十二蚊 個湯底仲好過佢仲有肥牛！選擇多元化啲如果真係想食多啲餸嘅話仲可以去葵廣辣妹選擇多過佢 份量多過佢 湯底好過佢 服務態度質素好過佢關鍵係頭先我講嗰兩間嘢呢酸辣湯底係真係有酸辣味

上次夜晚經過葵廣想食車仔麵，見到呢間百得呀姨就試下啦，三餸車仔麵都係36蚊，唔包野飲，都好抵食。第一次食叫左牛腩，豬腸，腩肉油麵，味道都唔差，而且份量十足。所以第二次再去食，原來下午茶係會包埋野飲，不過店員可能見我地自己飲緊珍珠奶茶，所以冇講到，而我自己又睇唔到。食食下見到原來包野飲，咁我就問佢啦，佢話：你地都飲緊野，唔洗再叫野飲啦。首先，都好多謝佢地鋪頭比客人自己帶外來野飲，但係我覺得原本係餐包埋既，都可以問一下客人。店員比我既感覺係唔想我地叫野飲，其實我兩個人都係買左一杯珍奶姐，所以到最後都叫左杯凍啡。總括黎講，價錢親民，份量多，味道正常。

葵芳廣場𥚃面數一數二既老店食既系濃濃既 舊時味道物價上升依家$9一個面，$9一款餸最低消費$36餸既款式就應有盡有味道就普普通通啦不過勝在夠大碗，一定夠飽野飲加$7，都系大大杯

一入舖頭坐底無耐, 啲阿姐就因為自己放假頂更嘅問題, 當仲喺度嘈交, 自己人造成自己既食店環境, 滋擾番自己嘅客人呢樣嘢都唔係最緊要###叫碗薯粉落單已經親身出去同佢講, 走花生；碗嘢仲係嚟到有花生，(佢完全冇諗過有啲人個身體對花生有敏感，落咗花生係會令到呼吸困難) 淨係講句對唔住就行咗去!###啲薯粉又實又硬, 啲顏色煮仲要完唔係透明㗎, 係實色嘅, 好似過期咁。（平時食開嗰啲係會有啲透明, 口感煙煙韌韌架嘛)跟住阿姐見到我唔食呢粉, 就叫我下次嗌另外一種粉啦! 完全冇理會過我同佢講, 啲粉出現左嘅問題 (我心諗你啲粉, 都唔知係咪有問題)###嗰啲酸菜, 全部都係酸菜頭嚟嘅一嚿一嚿硬刮刮, 你見到都唔會食囉最差嘅一樣嘢係, 明明有安心出行, 計住嘥時間, 坐唔夠半個鐘就趕人走；一個鐘都未有就即刻要走!如果你係有咁嘅規定, 唔該你一早貼張紙出嚟個舖頭度啦。寫明食一碗嘢，限時幾多分鐘！唔使旨意有下次，一間需要BLACKLIST既舖頭！

第一篇食評，呢間百得車仔麵，由我中學年代到出黎社會都有一段時間，大大話話我估都有10幾年咁上下，曾經都食過10零20次掛，都唔記得咁多，但係就不嬲都唔係我既恆常食肆既list入面原因有食材可以揀既唔算多，湯底又無得揀（我唔記得以前有無得揀啦）但而家呢一刻係無既，食材用料略少（對比佢9蚊一個餸，可以比多少少）成個車仔麵麵係得麵同餸，無蔥花，伴碟一條生菜等等，無乜特別。始終我葵廣呢類形既食肆都多，有得對比下但佢既用料同湯等等都算係中規中矩，價錢都叫大眾化。

好耐冇食河粉，叫左個米粉，五香肉丁同埋魚皮餃，好快就上菜啦。老實講唔好食，5香肉丁就不評論啦，都係普通茶餐廳食丁既味啦，魚皮餃都係啦。叫左小辣，完全唔覺辣，味道唔夠好味，不過咁既價錢，老實講唔可以要求太高既。30幾蚊，杯凍奶茶苦苦地既，夠凍既不過。服務就唔係咁好啦，冇人招呼同理你，同埋冇人都好似催你咁。服務麻麻啦價錢就偏便好唔好味就….

同fd一齊食第一個fd:麵得咸味第二個fd:湯麵有發泡膠，而且熱飲好少選擇第三個fd:豬腩肉太un 好難咬、太咸，凍檸茶少甜真係「唔甜」第四個fd:粗麵未煮熟 好硬

🥟<葵芳抵食大粒餃子>🥟葵芳多野小食 但今日行到攰 就揾個位坐低 呢間百得阿姨 成日經過冇食過 雖然佢有米線車仔麵 但我諗住揾 d野咬下就叫左44 蚊12 粒水餃 韭菜豬肉 勁足料好大粒 每粒應該有平時1.5 倍 🌿佢個皮偏厚少少 韭菜新鮮度中上 韭菜多過豬肉 豬肉應該係街市成日買到既免治豬肉 肉味比較濃 🐽用帶有少少咸既豬骨湯夾埋都唔錯 如果鍾意既話點 d辣椒油都 ok 味道 ok未到上級 但甘既價錢 (2pm至7pm ) 有冷熱飲送) 真係冇得輸👍🏻#水餃 #餃子 #豬肉餃 #韭菜 Score 平均分< 7/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~~~~~~~~~~~~~=====================🙂温馨提示🙂Fb like左 page都睇唔到<通知> 若果大家想睇到多d唔同既美食 👇🏻👇🏻👇🏻👇🏻👇🏻除左like 請做多一個步

中學時多數都去葵涌廣場食野行街，那時唔會講究味道好與壞，只要唔難食同最緊要平就可以，由佢係二樓角落位食到變左一樓近電梯位都好多年啦！之前叫‘銅千斤’變左叫‘百得阿姨’唯一無變就係佢個湯底，飲落鹹鹹地，我通常配米粉/公仔麵，貪佢掛湯力好d😄😄今次我就叫左蝦條+牛腩+公仔麵（小辣）+凍奶茶（$33）蝦條食落有蝦味，又夠大條仲要係有兩條呀！😂😂，牛腩有牛味，佢個牛腩汁非常野味，我覺得就算唔叫牛腩都一定要加腩汁先叫好味！😆😆🤴🏻就叫左雞翼+魚皮餃+金菇+米粉（中辣，加低）+可樂 （$51）雞翼（2隻）滷得好入味但欠缺彈性，魚皮餃（3粒）硬左d同唔夠熱依家葵廣開左咁多有特色嘅食肆，佢再唔提高返個水準，好快被淘汰😔😔

同女友黎葵廣行街，女友話肚餓要食野，咁就同佢行下有邊。經過百德，女友話想食車仔麵，我冇所謂，就坐低點餐。下午三點左右，唔知係唔係tea time, 定係武 漢 肺炎影響，叫一麵三餸可以送杯野飲（只限加6蚊既，加9蚊唔包）女友點左米線加牛腩，腐竹，蘿蔔，我就粗麵加魚蛋午餐肉。2個黎左就撈埋一齊食。先講麵底，米線好硬，唔岩口味，粗麵還可以。蘿蔔有汁冇渣，但咬落去，入面竟然係凍既，而且有陣苦苦地既味，真係o左咀，午餐肉味道ok, 不過太易散，辣魚蛋算好，夠入味，但係都唔多彈牙，牛腩都ok，不過又係唔夠淋。最大問題係，車仔麵竟然冇湯選，得大中小辣比你選，咖哩，沙爹，腩汁呢啲竟然冇。樓上同鋪冇車仔麵賣，但係都有咖哩麵，點解下面呢間車仔麵會冇呢？女友食左一半左右已經食唔落（付圖），下次再黎行，應該會剔除呢間鋪。

在附近工作到了食午餐時間自然就想起葵涌廣場裏有很多價錢平民化的大排檔供我們選擇，真的令人花多眼亂不知去向⋯無意中上左1樓經過這間店門口（大約2點多-3點）而且人流不多，決定坐下來試試味道！店舖提供了自己選擇食什麼🤔當我正決定時便聽見姨姨話選3餸1麵就送飲料，價錢都是$35左右，因2:00-6:00下午茶時間。於是我便選了河粉/辣魚蛋/白菜🥬/蝦條+小辣⋯凍朱古力！食物很快便有，相當有效率😋原來要收左錢先，當然無問題吧～這間車仔麵店也提供外買自取，方便附近商家！味道方面覺得辣醬味道不錯👍相當惹味，食慾大增⋯辣魚蛋有不同顏色但整得幾入味，值得一讚！蝦條原來是1條似手指般的蝦捲，覺得似蝦味的腸仔、味道一般但可接受！

今日又同閨蜜嚟葵芳行街，行街前例牌要醫肚先！今次去左間親切小店『百得呀姨』一坐低自己喺枱面拎張紙✅✅✅無論係麵底、配料、飲品都有好多選擇～而且價錢唔貴。入邊啲侍應全部都係好親切嘅姨姨👍🏼我叫咗雞翼、辣魚蛋、米粉見到啲辣魚蛋嚇親，估唔到有咁多粒😅不過竟然粒粒都唔同色😂😂😂辣魚蛋啲辣汁好辣！撈埋啲面一齊食好惹味！兩個女仔share一碟通菜，只係22蚊，勁大碟！而且烚得啱啱好，好爽口。啲菜洗得好乾淨，食落一啲沙都冇（你知通菜好難洗㗎啦）

行葵廣要食啲野，見到呢間有紅薯粉就食呢間。🔸其實佢有普通車仔面既，每個麵底9蚊，紅薯粉呢就有定係酸辣既，有埋肉醬吖、葱吖、花生吖、芫茜吖，就25蚊，然後每個餸9蚊。🔸我就叫左個紅薯粉，有得揀圓定闊，我揀左闊，食落有啲硬，感覺好似未煮得夠林，不過係熟既。酸辣湯其實只係食到辣味，酸味就真係要食個酸菜先食到啲果。餸呢，我叫左雞翼同魚蛋，雞翼兩隻，魚蛋比我想像中多。雞翼好食，煮多林少少就更加好，魚蛋正正常常。