一豚豬手專門店 (已結業)

3个人食晚饭唔知食咩好，又唔想煮，所以就上外卖网睇下有咩。见到一豚可以送到过嚟，咁啱又有3人餐啱啱好。送到嚟后先发现3人餐原来有原只猪手，仲有一大盒鸡，再加豆腐同鸭胸，仲有3盒白饭，份量到多到真系团年饭嘅份量，3个人真系食唔哂，最后分咗2餐，第2日晏就再食。味道而言，鸡就系普通烧味店买到啲鸡肉，不过不失冇咩特别。猪手就系黑椒猪手，都系普普通通冇咩特别。反而豆腐同鸭胸略胜一筹，2样都特别适合送饭，鸭肉滑肉质软嫩，豆腐嘅调味唔会太咸个汁又啱送饭。如果大食嘅朋友叫3人餐一定够食有余。