慶豐茶餐廳

营业中

休息中

好耐好耐冇出过街，啱啱出开旺角做野，所以就同朋友食埋野至返屋企~餐厅环境干净，餐具攞嚟既时候用滚水浸住，好贴心我地点咗下午茶餐，包括星洲炒米配热奶茶（＄42）同埋海南鸡汤米粉配热西洋菜蜜（＄42）。饮品好快就嚟到👍海南鸡汤米粉份量比想像中多，特别系碟鸡，一d都唔吝啬，仲要系鸡脾肉。鸡皮好滑，肉质结实，因为本身去咗骨，所以食落好方便，啱哂我呢个爱鸡之人🤪朋友去茶餐厅就必点星洲炒米😆星洲炒米等左一阵，因为系即叫即炒，所以上枱热辣辣。味道方面，有好香咖喱，但唔会过咸或过浓，食落够晒镬气！都好足料，米粉唔会过湿或者碎晒，食完好满足~