潮豐潮洲牛肉店

营业中

休息中

臭渠嘅其中一条食街系大排档集中地，潮丰系其中一家以潮州打冷为题嘅店舖。气氛都系长期旺，今次第一次去食，睇吓点解咁受欢迎。大多数人都系嚟食打边炉，再叫啲潮式拼盘，一路摸住酒杯底吹水，一边叹呢啲小食。我同男友就叫咗4款小菜。前菜系煎蚝饼，蚝仔都几大粒，份量又多，有两大块，不过徧油，越食越油。其次上嘅小菜都好大碟，其实两个人叫两款𩠌都可以。叫咗半只有葱油鸡，啲酱汁都几香。而鸡肉都嫩滑，够实净。仲有虾酱通菜牛肉，虾酱味未够，食唔到个精粹。牛肉就够薄无筋，不过整体味道都系中规中矩。最后叫多碟椒盐豆腐，食打冷点少得椒盐野。可惜咬一口豆腐，似食咗阵风，有豆味不过入而无乜点食到豆腐，而且椒盐味唔出，比食豆卜仲要失望。