影片
更多
2025-01-08
84 浏览
屋企附近嘅呢一间越南餐厅一直街坊支持度好高，开咗喺度好多年，都依然几多人帮衬，餐厅一入去就有浓浓嘅越南风情，木质家私搭配越南壁画装饰，灯光柔和，气氛好有越式家常小馆嘅感觉。坐低睇餐牌，选择颇多，集中喺经典越南菜式。今次叫咗三款主食同埋一杯饮品，两个人一齐食。🥖越南法包 $78法包一上枱就闻到阵阵香气，外皮烘得够脆，咬落去有爽脆感，但内里保持咗松软，呢个质感真系几正。包入面塞满咗馅料，有肝酱、扎肉、酸菜、青瓜同胡椒猪肉，每样嘢都处理得好平衡，唔会边样太突出。尤其系肝酱，带少少浓郁嘅甘香，再配埋酸菜嘅微酸同扎实嘅扎肉，味道丰富又唔浓。🐥鸡丝扎肉汤粉 $82汤粉一上枱就见到汤底清澈，闻落带住阵微微嘅鸡汤香。饮一啖，属于好清爽清甜嘅味道，啱啱好带出食材嘅鲜味但唔会过咸。河粉好滑，唔会黐埋一旧，入口爽而不烂。配料方面有紫洋葱、芽菜、九层塔，呢啲材料令汤底多咗层次感，清新之余又唔会抢走鸡汤嘅焦点。如果钟意辣，可以加少少佢哋附送嘅辣椒，𠮶啲辣椒真系劲，饮完会即刻冒汗，好过瘾。🐷香茅猪扒捞檬 $82猪扒煎得香香脆脆，是金黄色的。咬落去有少少咸香味，肉质扎实但唔会太干。檬粉冰冰凉凉，滑溜而有弹性，再加上
🥖越南法包 $78
法包一上枱就闻到阵阵香气，外皮烘得够脆，咬落去有爽脆感，但内里保持咗松软，呢个质感真系几正。包入面塞满咗馅料，有肝酱、扎肉、酸菜、青瓜同胡椒猪肉，每样嘢都处理得好平衡，唔会边样太突出。尤其系肝酱，带少少浓郁嘅甘香，再配埋酸菜嘅微酸同扎实嘅扎肉，味道丰富又唔浓。
🐥鸡丝扎肉汤粉 $82
汤粉一上枱就见到汤底清澈，闻落带住阵微微嘅鸡汤香。饮一啖，属于好清爽清甜嘅味道，啱啱好带出食材嘅鲜味但唔会过咸。河粉好滑，唔会黐埋一旧，入口爽而不烂。配料方面有紫洋葱、芽菜、九层塔，呢啲材料令汤底多咗层次感，清新之余又唔会抢走鸡汤嘅焦点。如果钟意辣，可以加少少佢哋附送嘅辣椒，𠮶啲辣椒真系劲，饮完会即刻冒汗，好过瘾。
🐷香茅猪扒捞檬 $82
猪扒煎得香香脆脆，是金黄色的。咬落去有少少咸香味，肉质扎实但唔会太干。檬粉冰冰凉凉，滑溜而有弹性，再加上酸甜鱼露酱汁，味道清新开胃。
🍸薄荷青柠梳打$28
薄荷嘅香气配埋青柠嘅酸味，解腻而且可以走甜，不错。
张贴
