生記粥麵 (已結業)

唔知点解呢排个人突然开始钟意食粥，所以朋友带左我黎呢间旧式粥舖试下。今次黎到每人叫左一个粥，分别系牛肉粥及鸡粥，另外再配个怀旧猪肠粉（$18）牛肉粥叫左个正常份量既牛肉粥，入面既牛肉片又多又大片，而且质感嫩滑，配埋佢地提供既葱豉油，味道会再咸鲜一点；而粥底本身亦都好够热同埋好绵，成碗野食完系会好饱鸡粥鸡粥同牛肉粥既份量同粥底一样，而且鸡件同样又多又大件，不过不得不赞既系，佢既鸡件全部都系去左骨既，要知道食粥时都系大啖大啖咁食，而且通常唔经嘴嚼的，所以去骨鸡件就相对可以食得方便又放心，同时亦都唔驶担心有碎肉系粥入面既情况拉。怀旧猪肠粉（$18）猪肠粉都系好有份量，而且肠粉好滑，唔会有好粉，好易散开既情况出现。白萝卜又大好大碗，配埋清汤，食萝卜原汁原味，多汁冇渣。基本上我对呢度既野食都好满意，因为啲野食真系份量十足，而且材料亦一啲都唔吝啬，肉都比得好足，岩埋我呢啲食肉兽。