幸福麵館

营业中

休息中

今晚约埋朋友一齐嚟探店，听讲这间店系新开嘅，距离荃湾广场其实好近，见到招牌红纸都未搣㖞😳舖头名门口栋咗个牌写住购买满$80就送一个油菜👍🏻店入面都好光猛嘅，枱面都好干净整洁，筷子系有个盒装住👍🏻好卫生👍🏻枱面亦都提供纸巾👍🏻👍🏻𩠌有好多选择，又有几款系set好晒嘅车仔面，我拣咗八宝款𠮶只👉🏻油面、沙嗲汤底、小辣，好快碗面就到啦，真系好大碗啊！😋油面份量真系好多，面质软硬适中👍🏻𩠌系呀牛腩、鱿鱼、猪皮、萝卜、长洲鱼蛋、牛丸两粒、猪红、通菜，最好味就系萝卜，萝卜又甜，推介推介!牛腩都好入味同埋好软，猪红都好食，牛丸鱼蛋呢都正正常常，稍为失色嘅就应该系鱿鱼红猪皮，猪皮唔入味，而且唔爽口。讲返个汤底，沙嗲汤底小辣，我再加咗啲辣菜脯嘅，味道系可以嘅，不过最好就系如果可以沙嗲味再浓啲会更好。另一碗系三𩠌配米线猪骨浓汤，猪骨浓汤真系好浓味，汤底值得推介👍🏻米线都渌得啱啱好弹呀唔会过淋，都系一样猪皮唔爽，萝卜依然都系好甜冇渣😋芝士炸云吞，新鲜热辣卜卜脆👍🏻肉燥生菜👉🏻肉燥都几浓味👍🏻配热饮只系需要加$3啫。我见到佢有部即磨咖啡机，如果配热咖啡的话就系呢个折磨咖啡啦。