Food Combo (已結業)

之前都嚟食过一次，见佢个Menu好似唔同咗，同朋友约喺屯门食饭而呢间餐厅都近西铁站，所以又来食啦!! 坐低咗之后通常望吓周围啲人食乜，然后跟住嗌，见到碟碟份量都好大，我哋个Ribs都唔执输，份量非常大，佢个苹果肉桂烧烤酱好好味，酸酸辣辣的，最怕猪肋骨细条冇乜肉食，呢度完全冇呢个情况，肉系软淋亦都容易离骨，薯条又系超多而且仲脆，朋友食咗好多薯条!! 番茄大虾扁意粉，意粉好能够挂汁，都属于浓味，配料大虾同菇都唔会话得好少，我食完ribs都饱咗一大半，再食完意粉饱到上心口!! 凤梨冰而家做紧特价，$22一杯都几抵饮，唔算死甜又有菠萝食到!!