一木小料理 (已結業)

#dinner #湾仔成日去湾仔食饭都会经过呢间餐厅，因为几近利东街个地铁站，一直都觉得好似好文青几吸引想试ʕ •ᴥ•ʔ不过店外啲告示好confusing，都唔知佢几点开门又唔知啲餐牌系外卖定堂食。有一日撞正佢终于有开门，就叫咗两个餐：先付：明太子玉子烧🥚前菜竟然变咗甜品，食完晒饭先嚟到(^_^;) 不过撇除呢样嚟讲系全餐饭最好食嘅item，明太子好足料，少少辣配玉子烧几好食。野菜：茄子田乐烧🍆、红菜头紫芋薯饼🍠茄子嚟到好热烫口，通常菜色太热都唔系问题，等吓冇咁热咪食得啰，问题系主菜份量太少，食完都好肚饿(又系迟上过主菜)，已经冇晒心机等呢两条仔茄子( ；´Д｀)味道嚟讲ok啦应该算呢餐第二好食。个薯饼都系一般啦ok嘅。逸品：日式咖哩牛肉🍛、柚子豚肉🐷味道尚可，柚子豚肉都几好食，不过份量实在太少，得几片肉加一大旧红萝卜，平时食得少嘅女士都觉得唔够饱。成百蚊仲要加一，如果个日想食light啲嘅话都ok嘅，肚饿嘅话都唔紧要，过一条街仲有好多嘢食可以食多餐。