影片
更多
2011-07-20
171 浏览
好耐冇食过港式西餐,一路都心思思想嚟试吓,但往往去到半路就比路上其他餐厅吸咗入去,所以一路都唔成功.直到上个星期终于的起心肝,同我爱人唔理路上面既野花,咬紧牙关,几经辛苦终于去到目的地.入到去,黑黑地,坐咗1/3人左右啦,招呼人各有年纪大少少既阿叔,中年阿姊,有些少图案系身既青年人,仲有个后生仔(女)....当然仲有一个类似老细既人系度啦. 点解要刻意提呢啲?呵呵,冇,系个组合有少少怪怪啫,但系不论系阿叔,阿姊,青年人,后生仔(女)都系好招呼架,呢度所谓既好招呼,唔系讲晒欢迎光临,挂一个招牌笑容𠮶只,而系好街坊𠮶种. 当然,有人欣赏既就会钟意,唔欣赏既话唔好.讲番正题,入去睇咗一论,是日晚餐唔系太啱,见到一张什扒相,真系勾起好多童年回忆,好,几大就几大,叫番个先. 至于我爱人就选咗个咖哩牛肉.咁就唔使两个都食扒,又可以试吓佢啲咖哩.至于汤就分别选咗一红一白,都系想试吓佢啲味道啫.等咗唔系好耐,就送咗个汤同面包嚟.面包当然系返叮番,但唔紧要,只要猪油落得够,返叮都会软软熟熟架,再加上我相信佢都系新鲜既,所以加啲牛油送我个红汤,正呀.个红汤点正,咁佢就冇哥登堡既水准,但同其他地方比,其实都
入到去,黑黑地,坐咗1/3人左右啦,招呼人各有年纪大少少既阿叔,中年阿姊,有些少图案系身既青年人,仲有个后生仔(女)....当然仲有一个类似老细既人系度啦. 点解要刻意提呢啲?呵呵,冇,系个组合有少少怪怪啫,但系不论系阿叔,阿姊,青年人,后生仔(女)都系好招呼架,呢度所谓既好招呼,唔系讲晒欢迎光临,挂一个招牌笑容𠮶只,而系好街坊𠮶种. 当然,有人欣赏既就会钟意,唔欣赏既话唔好.
讲番正题,入去睇咗一论,是日晚餐唔系太啱,见到一张什扒相,真系勾起好多童年回忆,好,几大就几大,叫番个先. 至于我爱人就选咗个咖哩牛肉.咁就唔使两个都食扒,又可以试吓佢啲咖哩.至于汤就分别选咗一红一白,都系想试吓佢啲味道啫.
等咗唔系好耐,就送咗个汤同面包嚟.面包当然系返叮番,但唔紧要,只要猪油落得够,返叮都会软软熟熟架,再加上我相信佢都系新鲜既,所以加啲牛油送我个红汤,正呀.个红汤点正,咁佢就冇哥登堡既水准,但同其他地方比,其实都已经好接近.佢个白汤都唔错,唔会开到水汪汪,一啲味都冇.但如果两种都冇所谓就建议饮红汤啦.
饮完汤,冇几耐就送咗个铁板嚟,哗,好耐未听过渣渣声𠮶种声,块铁板烧到好热呀!!!唔记咗讲,我要咗洋葱汁,非常之唔错呀.劲似我以前食𠮶啲味,呢个汁我细个𠮶阵可以送四五碗饭都得呀.睇清楚有啲乜嘢先:牛扒,猪扒,薯格,肠仔,烟肉,火腿,仲有牛脷呀,唔知有冇漏呢,当然仲有跟啲菜啦.总而之就大堆头,好低食.咁多嘢都系$68.(仲有嘢饮). 当然啦,以上既肉都系加咗食粉,但都唔算重手. 只要你系大胃王就ok架啦.我最钟意啲薯格放咗系下面,吸咗啲洋葱汁,好正呀.
至于个咖哩,系香茅味比较重,味道其实都系ok既,但最好就将啲香茅攞出嚟先上就会好好多.牛肉份量又系多.
其实而家好多茶餐厅所提供既食物份量,质素同佢既价钱都已经比3大连锁快餐唻得平同好食.所以真系可以嚟呢度试吓.
张贴