盛記酒家

营业中

休息中

小朋友成日出街都只食西餐，今日学校有活动放学之后都有啲夜，醒起附近有一间老字号酒家，以前同啲同事成日嚟食，今次带小朋友嚟试吓，初头以为楼上铺唔会好多人，点知原来平日7pm之后已经差唔多满座，好彩仲有一张细枱我哋先有位食饭。真系好钟意怀旧酒家嘅餐具，好有特色，而且价钱大众化，同埋啲碟都系好足份量。我哋点咗尖椒牛柳，牛柳好嫩滑，少少辣辣地，配上大量嘅红椒同埋青蕉，唔会好辣，不过好惹味。鼓油炒鹅肠唔系好多地方可以食到啦，估唔到呢度仲有得食，份量好多好大碟，鹅肠好爽口好入味，最正系佢下面有大量芽菜，配埋芽菜一齐食，好味之余亦唔会太溜。老水猪脚仔呢碟虽然系前菜小食，不过小朋友超级钟意，卤水味好入味，猪脚仔好滑仲有好多肉，连啲花生都够晒林，一餐简单嘅晚饭，都可以食得好满足，间唔中出下街食吓怀旧餐厅，小朋友会有另一番感受。