富士山 (已結業)

[🇯🇵居酒屋🏮] 富士山🗻———————————————————————今个礼拜又想食日本野，喺铜锣湾就去咗金巴利广场睇睇，呢间居酒屋望落入面啲环境都唔错，又够空间坐得舒服，而午市定食都系做紧抗疫价$49连野饮😱，佢嘅选择都唔少，见到咁平就入去试下。———————————————————————火炙鱼生饭 🐟 ($49)鱼生款式同份量都唔少，三文鱼都几新鲜又肥美，生熟程度都唔错，佢嘅烧汁都几好味，成个饭都好好食，不过比想像中细碗，唔洗一阵就已经食哂。———————————————————————日式豚肉炒乌冬 🐷 ($49)卖相有啲颓，一开始会有种中伏嘅感觉。不过食落就知，佢嘅烧汁做得好好，而且加埋紫菜碎，味道上Carry哂成个乌冬。而乌冬系用咗幼身果种，冇煮到淋哂，呢种质地用嚟炒嘅效果原来几好。豚肉半肥瘦食落少少弹牙都几正。不过成个份量都系偏少，当下午茶食就OK。