財記茶餐廳

营业中

休息中

同老人家旺角附近揾蒸鱼食，见到餐牌有蒸鲩鱼餐就满心欢喜走咗入去，坐低叫完过左20分钟先知道中伏，啲嘢食唔得，老板古古惑惑得嚟，态度亦都非常差！本来对呢类茶餐厅都冇乜好大期望，只系谂住正正常常有适当份量嘅鱼，普普通通嘅白饭咁就一餐。我哋三人同行，由于有老人家，于是清清地叫咗蒸鲩鱼，炒菜心以及咸蛋蒸肉饼。首先我哋等咗20分钟都未见有任何𩠌嚟，反而比我哋后坐低落order嘅两枱客人嘅蒸鲩鱼已经到，于是我就问老板系咪漏咗单，佢就谂都唔谂就话唔系，话系等埋啲𩠌一齐出㖞，ok我信住佢先，但之后咪又系逐碟隔时间上......明显讲大话啦。之后佢仲亲自入去古古惑惑攞咗碟“蒸鲩鱼”出嚟; 精彩啰, 碟蒸鲩鱼鱼头占咗成个碟3/4，肉就只有少量(见附图)！于是我投诉要佢换过碟，佢就话蒸鱼系咁㗎啦，「有时系头，有时系身，有时系尾」，唔肯换跟住就走开咗！最奇怪就系佢其他伙记好似见惯呢啲场面，都冇人过嚟睇乜事。老人家喺度先废事同佢嘈，之后嚟嘅饭，一食就知系劣质米，好硬好鞋; 再嚟碟蒸肉饼呢，一放入口就feel佢𠮶啲松肉粉多到“那”到啲肉 “林pat pat”猪肉味啫喱咁，而且 “那”口，非常难食。较正常系𠮶碟菜心