財記茶餐廳

营业中

休息中

今日是情人節，我同老婆一早起床去長洲慶祝情人節，諗住係長洲吃埋晚餐先出來。出發前先去食早餐，路經廣華街，就走入財記食早餐。原來財記早餐包油多和出前一丁，食出前一丁唔駛加錢，只是收38元，真是好抵。可能仲早，餐廳只有幾枱客，我地揀左最入邊嘅座位。我地叫左2個早餐，一個是沙嗲牛肉出前一丁，配腸仔煎蛋，熱檸水，另一個是五香肉丁出前一丁，配火腸煎蛋，熱奶茶。沙嗲牛肉味濃，出前一丁有咬口，熱奶茶夠滑。雖然味道只是一般，但38元有油多同出前一丁食，真是好抵，下次會再來。

首先 ，叫外賣都預咗要等 ，但係都冇理由送粒幾鐘都不特只 ，又要送錯地方，其實都已經送過好多次，冇理由會唔知， 第二，叫外賣嘅時候個女人態度都已經好差，好似唔休做咁.第三，黎到啲嘢凍晒 .叫人地點食 啲嘢直頭似隔夜餸 ，差小小要放落微波爐再叮過，都算數！第四，最重要重要俾我見到個湯上面送埋d頭髮比我，見到都嘔呀 ！呢一下真係冇諗過，衛生情況都真係幾差，即刻冇晒胃口，真係冇下次， 仲諗住街坊街里支持下 ，完全冇諗過係咁，有啲失望，

Weekday 放工同朋友去旺角行左一陣 然後肚餓搵野食 行過煙廠街見到有間茶記就入去試下 叫左兩個主菜share食 前菜：中湯幾好飲 好足料 唔會太咸主菜：支竹牛腩煲 無晒蘿蔔轉左做支竹 點知仲好食 支竹掛晒d汁 撈飯一流 仲有少少勤菜帶味 牛腩好彈口 但切得比較碎 但整體好味主菜：椒鹽豬排 美極既味道 豬排好多 而且唔會太多油 炸蒜好味 肉質彈牙 配飯食又係一絕半價叫埋飲品 冇咩特別唔講 兩個人加埋$169 晚餐黎講好抵 食得好飽 見到佢仲有蛋花叉燒包 下次要試下

是咁的今日適逢聖誕節又星期六旺角到到都覺得好多人咁咁啱同朋友一齊喺旺角行過圈兩個麻甩仔食咩都冇乜所謂啦原本就諗住去食合發結果冇開想轉戰光榮冰室嘅但門口已經見到好多人等着懲罰佢咁我哋又唔想排隊等咁所以我哋就再揀另一間啦就揀咗冇咁出名個位有冇咁旺嘅財記茶餐廳———我哋大概3:30左右到當時候就大概得兩三枱客咁由於都食過佢嘅晚餐同下午茶所以對佢嘅味道都唔擔心😂咁我就叫咗個最基本嘅炸比薯條凍檸茶少冰炸髀同薯條都好夠熱即炸髀炸完之後啲肉都仲係好滑啲皮唔係會炸到硬晒嗰隻上面仲有少少淮鹽我都幾鍾意薯條就正常發揮其實薯條夠熱已經會好食😂埋單$40左右味道同份量都算正常啦

食咗好多次早餐午餐同下午茶，份量足，味道都唔錯，十分推薦，早餐的包同好多茶餐廳唔同，雖然超市買得到，但用料實在感覺都良心好多，午餐的蒸魚都好食，豉油帶甜吾鹹，份量都好足，也都十分推薦，最重要係餐廳都幾乾淨，態度都幾好。一家人都好鍾意來尼間食。

同老人家旺角附近揾蒸魚食，見到餐牌有蒸鯇魚餐就滿心歡喜走咗入去，坐低叫完過左20分鐘先知道中伏，啲嘢食唔得，老闆古古惑惑得嚟，態度亦都非常差！本來對呢類茶餐廳都冇乜好大期望，只係諗住正正常常有適當份量嘅魚，普普通通嘅白飯咁就一餐。我哋三人同行，由於有老人家，於是清清地叫咗蒸鯇魚，炒菜心以及咸蛋蒸肉餅。首先我哋等咗20分鐘都未見有任何餸嚟，反而比我哋後坐低落order嘅兩枱客人嘅蒸鯇魚已經到，於是我就問老闆係咪漏咗單，佢就諗都唔諗就話唔係，話係等埋啲餸一齊出喎，ok我信住佢先，但之後咪又係逐碟隔時間上......明顯講大話啦。之後佢仲親自入去古古惑惑攞咗碟“蒸鯇魚”出嚟; 精彩囉, 碟蒸鯇魚魚頭佔咗成個碟3/4，肉就只有少量(見附圖)！於是我投訴要佢換過碟，佢就話蒸魚係咁㗎啦，「有時係頭，有時係身，有時係尾」，唔肯換跟住就走開咗！最奇怪就係佢其他夥記好似見慣呢啲場面，都冇人過嚟睇乜事。老人家喺度先廢事同佢嘈，之後嚟嘅飯，一食就知係劣質米，好硬好鞋; 再嚟碟蒸肉餅呢，一放入口就feel佢嗰啲鬆肉粉多到“那”到啲肉 “林pat pat”豬肉味啫喱咁，而且 “那”口，非常難食。較正常係嗰碟菜心

無諗過黎3次，3次都態度勁差，諗住佢兩次都忙（食飯時間1點半2點左右啦， 其實都唔算好多人），俾多次機會佢試多次，點知都係咁⋯⋯野食一般，態度衰在有個呀叔，同肥女人，應該老細（坐收錢位），做得街坊生意但又態度咁差，唔扺幫襯都唔想再幫襯，次次都嗌左野廢事再麻煩人所以坐低食埋佢， 焗住食， 食得好唔開心。

朝早經過旺角廣華街..見到呢間唔太顯眼嘅茶餐廳..所以就入咗去試食..叫咗佢地個早餐B..沙嗲牛肉出前一丁，飲咗杯茶走～佢個沙嗲牛肉超級好食，同其他茶餐廳有少少唔同..出前一丁煮到岩岩好😋杯茶走沖得好好飲..不過佢哋啲早餐就好少選擇，但價錢合理～ 白色頭髮嗰個老闆好好人..好好傾～下次經過旺角會再食！

其實我本來是想光顧位於「旺角」「廣華街」裡面的某食店，可惜那食店原來只能依靠電話訂座。沒有預先電話訂座的話，就很難以直接上門取得檯櫈用餐，對於向來不喜歡打電話，有少許社交焦慮的我來說，是極其困難的事。結果我「摸門釘」之後被迫放棄，改為光顧其他「廣華街」食店。結果我在附近的茶餐廳「財記茶餐廳」食個有「牛腩」，有「雞扒」的簡單晚飯就算。我選擇光顧「財記茶餐廳」的其中一個原因，跟餐廳價目表裡面的食品內容完全沒有關係，反正「財記茶餐廳」餐牌裡面沒有食品能夠同時提供「牛腩」和「雞扒」，最多都只是「鴛鴦扒飯」而已。所以我某程度上，又再次被迫選擇一邊享用「咖喱牛腩飯」，另一邊就點一客「炸雞髀薯條」，加重賬單最後的總價錢成本，來滿足晚餐裡面同時需要有「牛腩」和「雞髀」的要求。「財記茶餐廳」廚房師傅，在他們製作的「咖喱牛腩飯」裡面加入了不少香料，務求令「咖喱牛腩」實際味道除了有非常微弱辣味之外，還夾雜一定程度，來自香料的香味。不過整餐「財記茶餐廳」食品味道裡面的濃度，「咖喱牛腩飯」或許未必及得上旁邊的套餐餐湯「羅宋湯」那麼濃，因為「羅宋湯」裡面的酸味和辣味，比牛肉原本的肉味味道更加厲害。但是「羅宋湯」喝

見近近地試下呢間新開既早餐，沙嗲牛肉麵，佢係用出前一丁既，麵係爽口不過最大缺點係牛肉太老，沙嗲汁好難食牛肉陣味太難聞，如果改善下既應該好d唯一一讚杯野飲幾大杯，價錢中等