Kim's Spoon (已結業)

依个四人餐份量绝对多到食唔晒,首先有三碟开胃小食。辣青瓜,酱油腌莲藕片同埋辣鱿粒鱼丝,枱面仲有一大班樽泡菜任添。前菜就有个八爪鱼沙律,好新鲜清新爽脆韩式粉丝味道就比较淡冇咩特别。我最欣赏就系个韩式猪手,超大只份量超多,啖啖到充满骨胶原,配埋一D酱同埋蒜头,再用生菜包住一啖食落去好正。青口番茄浓锅酸酸甜甜,仲有10几只青口,而且只只都开晒口,够新鲜。精选嘅烧烤拼盘有酱油鳗鱼,辣鱿鱼,大虾,手切腌牛骨肉,鸡肉同纽伦堡肠,个人觉得鱿鱼味道可以淡番D,实在太辣啦。四人餐仲包埋四杯特饮,同埋几个friends一齐去食,抵到烂啦。