影片
更多
2023-01-26
95 浏览
同朋友来土瓜湾买野，下午茶时间揾左呢一间，呢一间餐厅好阔落，门口有个大嘅logo写住 hi tea ，🥳 系转角位，新年要来食丰富啲！我地两个人Share 食， 首先叫左一个照烧汁鳗鱼滑蛋饭 ，$60💁🏻♀️ 呢个价钱比起好多日式餐厅都相宜好多，一上碟最吸睛系滑蛋，分量布满全个饭，熟度岩岩好，见到滑滑嘅蛋，入口好顺口！鳗鱼大小比手心大啲，照烧汁好香，唔会死咸，鳗鱼无腥味，中上水准 🌈 仲有柴鱼片系上面，令层次感同鲜味都增加！一碟份量好足料，一般饭量来讲叫一个饭都饱喔！跟餐叫嘅热奶茶重茶味，奶比较淡，无咁肥腻，适合钟意茶浓嘅人～花生酱西多士 $34💁🏻♀️两个人食想邪恶啲，下午茶有西多士，佢仲有另一款西多士都系劲吸引！炼奶杏霜一口西多士，好想试，出面比较少见到呢个组合，但因为朋友唔饮杏霜，所以叫番原味！份量绝无欺场，大份到谂紧切9格定16格🤣 西多重点一定要外脆内软唔油腻，呢一间即炸起嘅感觉好脆身，牛油好大旧好正，加埋糖浆热辣出炉好好食！中间花生酱馅连角位都填满，唔会有角位无酱❤️🔥炸大鸡髀配薯条🍟呢个都系下午茶之一嘅选项，真系大满足，第一样要赞嘅系薯条，唔系m记个种，而系似蕃薯条个种出
同朋友来土瓜湾买野，下午茶时间揾左呢一间，呢一间餐厅好阔落，门口有个大嘅logo写住 hi tea ，🥳 系转角位，新年要来食丰富啲！
我地两个人Share 食， 首先叫左一个照烧汁鳗鱼滑蛋饭 ，$60💁🏻♀️
呢个价钱比起好多日式餐厅都相宜好多，一上碟最吸睛系滑蛋，分量布满全个饭，熟度岩岩好，见到滑滑嘅蛋，入口好顺口！鳗鱼大小比手心大啲，照烧汁好香，唔会死咸，鳗鱼无腥味，中上水准 🌈 仲有柴鱼片系上面，令层次感同鲜味都增加！一碟份量好足料，一般饭量来讲叫一个饭都饱喔！跟餐叫嘅热奶茶重茶味，奶比较淡，无咁肥腻，适合钟意茶浓嘅人～
花生酱西多士 $34💁🏻♀️
两个人食想邪恶啲，下午茶有西多士，佢仲有另一款西多士都系劲吸引！炼奶杏霜一口西多士，好想试，出面比较少见到呢个组合，但因为朋友唔饮杏霜，所以叫番原味！份量绝无欺场，大份到谂紧切9格定16格🤣 西多重点一定要外脆内软唔油腻，呢一间即炸起嘅感觉好脆身，牛油好大旧好正，加埋糖浆热辣出炉好好食！中间花生酱馅连角位都填满，唔会有角位无酱❤️🔥
炸大鸡髀配薯条🍟
呢个都系下午茶之一嘅选项，真系大满足，第一样要赞嘅系薯条，唔系m记个种，而系似蕃薯条个种出面有脆皮口感嘅薯条，唔会软同油溢味，薯条好出色
鸡髀🍗大约手掌咁大，两个人分都好多，唔会炸得过干，有肉汁保留，juicy 感， 如果调味上再有啲黑椒就仲正！
野菌忌廉烤鸡扁意粉 $54
呢个价钱真系好良心，忌廉唔会水汪汪，有少少蛋黄酱嘅质感好挂面，系浓郁嘅感觉！个人觉得可以再咸少少🤏 我都加左少少盐～ 野菌有厚度有口感，鸡嘅份量都适中，但无烤鸡髀个个咁充满肉汁，比较同忌廉煮到creamy嘅质感 ， 意粉方面硬度适中，我好怕意粉煮定软晒，呢间仲有劲道口感，很满意！
呢一间餐厅性价比高，嘢食份量多之余味道唔错，坐得都几舒服又干净，茶餐厅嘅价钱食到呢一个质素我会推荐大家去啊！
张贴
