越泰 (已結業)

午市黎到都多人。不过等左唔驶5分钟就有位。坐低左叫人落单。叫左好一阵子先有人理。天气太热。决定食捞檬。叫左串烧鸡捞檬。碗檬份量算多。配料有炸蒜生菜青瓜萝卜丝花生。有3串串烧鸡。每串大约有3旧鸡。份量算足。但味道普通。冇乜香料味。又冇乜串烧香味。净系味道唔会食得出系串烧。肉质唔算干又唔算滑。捞檬汁偏酸。似乎调味时啲醋落得好重手。同平时喺其他越南餐厅食开嘅唔同味。叫左冻柠茶走甜+$3。茶味不足。$62话平唔平。话贵唔贵。份量足但整体味道一般。