老媽拌麵 (將軍澳中心)

营业中

休息中

屋企楼下来来去去都系食𠮶几间餐厅，咁啱经过见到老妈拌面原来出左小菜，价钱都系几十蚊同茶餐厅差唔多，一于试吓。套餐加$22可以点多个小食，先来小食点左碟台湾肠，同埋麻辣猪耳，麻辣猪耳切到幼幼的，配埋青瓜一齐食，辣辣地特别开胃。黎到呢度始终都要食一碗拌面，味道依旧唔错，重点系份量非常足，好大碗。水果咕噜肉食得出啖啖肉，新鲜炸起，脆卜卜热辣辣，味道酸酸甜甜特别开胃，配埋白饭食一流，份量依然都系好多，咕噜肉好大碟，连碗饭都特别满。另外，除咗可以饮到珍珠奶茶，同埋水果茶，仲可以加多少少钱可以食到台式甜品，小朋友食得最满足，不过又真系几好味。