黑木亭居酒屋 (金馬倫道)

今晚收工经过尖沙咀，发现门口的餐牌几吸引，就入左去试试。沿楼梯上，已经听见日式音乐系餐厅内传出，餐厅墙上亦见大量日式壁画，令人彷佛置身于日本！上到去人流都唔少，很热闹，气氛好好！我同朋友都觉得无入错地方，充满期待！我同朋友叫左以下的野食：山葵满盘烤肉烤肉盘内，肉的份量非常丰富！有“满盘”的牛舌、牛肉、猪肉和黑肠。而除左肉之外，亦有矮瓜、彩椒、菠萝等蔬菜。每款肉的调味都恰到好处。呢道菜仲配了新鲜生菜，夹住烧肉食可以中和烧肉嘅油腻。紫菜烧年糕配红豆蓉及炼奶年糕烧得外脆内软，包著年糕嘅紫菜散发出淡淡的紫菜香，加上炼奶同红豆蓉，令味道更加提升。时令海胆天妇罗紫苏叶包著鲜甜海胆，制成天妇罗，口感特别。用海胆嚟制作天妇罗唔常见，想不到效果不错，外面炸得香脆，而同时，咬落去又试倒海胆的鲜甜，有惊喜！蜜桃乌龙红茶一上菜就俾杯里面嘅熊仔造型冰块吸引住😍 熊仔冰块系用乌龙茶做的，衬返啡色，可爱得嚟又好饮！百香果荔枝梳打荔枝梳打同百香果味道得夹，饮落好fresh, 仲有百香果肉同荔枝肉，啖啖鲜果肉。呢间餐厅食物同环境都仿如置身于日本，未有时间买机票返家乡，不仿嚟呢度一解思乡之愁！