影片
更多
2020-03-20
682 浏览
出门都过左11点半，而母亲大人话得翠河咁晏都有早餐食，咪去啰。由于某原因，我们都不吃肉，见到餐牌上有个D餐: 蕃茄薯仔浓汤螺丝粉。有炒蛋同多士，虽然有肉，但谂应该可以叫佢转只煎蛋既。叫左侍厅苫单，同佢解释由于我地唔食肉，想将配菜既肉类转煎荷包。佢系咁话唔得，叫我地走𩠌。我就话唔系，系个餐有配肉类而我地唔食，想转做煎蛋姐。跟住佢又话咁帮我地将个炒蛋转煎蛋。果下我有D躁，再重申，炒蛋点都会配埋架啦，宜家我地系唔食肉，唔等于转炒蛋，因为本身都有，我地系想将份肉类转煎蛋。佢终于明，话问下先。过左阵，第二位侍应就黎，又讲多次话: 唔转得架㖞，一系你直接走𩠌 (唔要配既肉)，或者你想食煎蛋帮你将个炒蛋转煎蛋。果阵我真系好不解，直接表明其实将肉转蛋又唔会令餐厅多左成本，亦不会对厨师造成任何不便，更加不是一个不合理的要求。而且都系为左客人姐，接受呢个要求绝不过份，又可以体谅一D食素既客人。我再同佢讲一系你问问经理啦。佢话已经问左，系唔转得。如果不是因为母亲大人想食佢地既蕃茄薯仔浓汤螺丝粉，我一定走。讲真，咁大间链锁式餐厅呀，唔系酌情迁就顾客少少既要求都唔可以呀? 仲要系一个微不足道同合理既要求。你可以
由于某原因，我们都不吃肉，见到餐牌上有个D餐: 蕃茄薯仔浓汤螺丝粉。有炒蛋同多士，虽然有肉，但谂应该可以叫佢转只煎蛋既。
叫左侍厅苫单，同佢解释由于我地唔食肉，想将配菜既肉类转煎荷包。佢系咁话唔得，叫我地走𩠌。我就话唔系，系个餐有配肉类而我地唔食，想转做煎蛋姐。跟住佢又话咁帮我地将个炒蛋转煎蛋。果下我有D躁，再重申，炒蛋点都会配埋架啦，宜家我地系唔食肉，唔等于转炒蛋，因为本身都有，我地系想将份肉类转煎蛋。
佢终于明，话问下先。过左阵，第二位侍应就黎，又讲多次话: 唔转得架㖞，一系你直接走𩠌 (唔要配既肉)，或者你想食煎蛋帮你将个炒蛋转煎蛋。
果阵我真系好不解，直接表明其实将肉转蛋又唔会令餐厅多左成本，亦不会对厨师造成任何不便，更加不是一个不合理的要求。而且都系为左客人姐，接受呢个要求绝不过份，又可以体谅一D食素既客人。我再同佢讲一系你问问经理啦。佢话已经问左，系唔转得。
如果不是因为母亲大人想食佢地既蕃茄薯仔浓汤螺丝粉，我一定走。讲真，咁大间链锁式餐厅呀，唔系酌情迁就顾客少少既要求都唔可以呀? 仲要系一个微不足道同合理既要求。你可以话，我地唔食肉应该去D素食餐厅或有提供无肉餐单既餐厅。不过肚饿起上黎又边度又咁多呢款餐厅附近呀。
我之后仲睇过佢地网页， 集团简介第一句鸡乸咁大写住「企业精神：以客人为先，以出品为本」。睇完真系得啖笑，以客人为先? SORRY，本人绝对体验唔到。
最后走果阵我问佢地个貌似经理既女士拎意见表达书之类既野，佢又耍手拧头话冇。 以后都系帮衬番香港旧式有人情味既茶餐厅好，只可惜都买少见少。
张贴
