翠河餐廳 (已結業)

路過入去食咗個早餐... 覺得幾抵食!Order咗個自選麵餐... 可以選3款餸... 餸嘅選擇都好多... 其中比較少見嘅係菜肉餃子、豬柳漢堡... 連凍飲都係30蚊鬆d... 抵食!味道、服務&衞生水平同一般茶餐廳差唔多!

今朝9:30去買兩個沙嗲牛肉麵早餐俾兩個女，咁我只佢哋未瞓醒，就夾起兩碗面同湯分開， 諗住啲牛肉留返兩個湯底。 點知細女起身發現碗麵裏面啲牛肉得兩塊好薄好鬼細。我睇返真係同我堂食食爭好遠。 心諗你哋不如唔好俾啦！直頭叫做「沙嗲面湯麵」

馬來炒貴刁,變咗冇料炒河粉,價錢59元太貴,太過分了,廚師無心機工作做煮野食,是是但但求求其其炒一碟不知所謂嘅馬來貴刁,五條唔知乜嘢隔夜用肉絲,五條類似頭髮嘅蛋絲,又唔係叫炒河粉

今日去左翠河食下午茶，見到佢個焗豬扒飯唔算好貴，就叫左一碟。佢塊扒係好大塊，加上佢個飯係炒飯底，好少餐廳會係炒飯底，所以我覺得佢呢間餐廳係整得唔錯，而且個份量又啱啱好，dinner食夠哂飽！😋

「翠河」算喺晌美孚較常幫襯嘅茶記，一來地方大，啲位夠闊落，環境光猛，二來食過好幾次早餐，都覺得唔錯，又抵食。其實，晌呢間「翠河」側邊，有自家嘅麵包店「翠河麵包」，老實講，佢哋嘅麵包未真正幫襯過，有嘅都喺晌餐廳所食到嘅多士。今次想寫寫間店嘅蛋撻，因為走勻成個美孚區，佢啲蛋撻平到無朋友，賣$5個，呢個價好幾間麵包鋪都差唔多，不過，$10有3個，喺咪平到唔信。旁邊嘅椰撻都喺同價，所以，可以兩溝咁買。所以，同朋友行完山返到嚟美孚，就順道買兩個蛋撻+一個椰撻返去同老婆下午茶。蛋撻蛋撻嘅外觀就唔失禮，返到屋企我哋會烘一烘翻熱，所以，入口都幾鬆脆，而佢哋嘅撻殼喺牛油皮，所以，都幾甘香，而蛋撻餡亦幾有蛋香，口感頗軟滑。椰撻椰撻依家越嚟越少麵包鋪會做，因為食嘅人越嚟越少，我個人嚟講，對椰撻都OK嘅。撻殼同樣喺以牛油皮做，中間就填滿椰蓉餡，都幾有椰香味，感覺唔錯。老實講，10蚊有3件撻，質素又唔喺差，你仲想點，都可以講喺價廉物美啦。

以前在這兒點午餐，是包括例湯和飲品的，原來現在已改變了。這天侍應說只能二選一，我說和以前不同，她就慷慨地說，送你湯吧。我們點了冬瓜火腩飯和梅菜蒸肉餅飯，飲品點了熱檸檬茶和熱檸檬水。湯送上，內裏有豬骨和節瓜，喝一口，淡如開水，加點鹽可能味道會較好。接着送來的是冬瓜火腩飯，火腩有六七件，但全部脂肪多於瘦肉，冬瓜更少，只有薄薄的三四片，老公不禁問，現在的冬瓜很貴嗎？不過這還不是重點，重點是這冬瓜火腩也是味道很淡，就像廚師忘了下調味品。接着吃梅菜肉餅飯，幸好肉餅有稍為下了點鹽，雖然味道偏淡，但也不至於是完全沒味道，肉餅份量很大，米飯也多。總括來說，這天的食物味道太淡，我在抱怨，老公就笑着說：少調味不是更健康嗎？

星期一至五及星期日，基本上我倆公婆都會晌屋企食早餐，而星期六喺最輕鬆，朝早最無乜嘢搞嘅日子，所以，就會出街晌美孚周圍搵吓食、輕鬆吓，之後可能行吓公園，或行一轉短山。今次嘅選擇，諗吓諗吓都好耐無幫襯過「翠河」，所以，就嚟到嘆吓早餐。 晌美孚區有好多間快餐店、茶餐廳，以早餐嚟講，「翠河」屬於我哋值得翻兜嘅心水之一，但早餐以外，水準就好飄忽。除咗食過多次都保持到水準之外，內在環境好，樓底高，光猛闊落，亦喺我哋嘅考慮點之一，尤其晌依家疫情仲反反覆覆嘅情況。不過，今朝出面位多人，焗坐最入面啲卡位！早餐一個餐牌底面兩頁睇晒，A-H共8款選擇，定價$24-$35，最搞嘢，供應去到12:00pm，慳番啲12:00pm前嚟落單當午餐都無問題。早餐A 傳統早餐 $33相信個名都喺求其改，呢個組合點會稱得上傳統，唔好理，總之我哋啱食就得啦。其實佢啲早餐都幾豐富，基本上一大碗仿鮑魚火腿通粉都夠晒飽，仲包埋北海道牛乳炒滑蛋及香脆金磚（即喺蒜蓉多士）。 先講啲炒滑蛋，炒得堅滑，又夠晒蛋香味，而多士蒜香味突出，又鬆脆。 通粉無煮過腍喺基本，但有唔少快餐店或茶記為方便，煮定一大鍋又唔過冷河或降溫，啲餘溫咪整腍晒啲通粉

我家附近(步行５分鐘)，有家翠河餐廳，旁邊附設GR Bakery(翠河餅店)，我每星期都會來買麵包，價廉物美！今次推薦GR Bakery的蛋撻：#餅皮，是我喜歡的曲奇餅底，我小時候，蛋撻都是酥皮的，酥皮要一層一層疊加，很花工夫，而每一層皮都會塗上豬油，豬油吃多了，對身體無益，後來才演變出曲奇餅皮蛋撻。曲奇餅底夠鬆脆，好吃！#餡料，就是加了糖烘焙的蛋漿，甜度適中，不錯！#定價，５元/個，10元有３個，－般都會買３個，當下午茶，美味！

出門都過左11點半，而母親大人話得翠河咁晏都有早餐食，咪去囉。由於某原因，我們都不吃肉，見到餐牌上有個D餐: 蕃茄薯仔濃湯螺絲粉。有炒蛋同多士，雖然有肉，但諗應該可以叫佢轉隻煎蛋既。叫左侍廳苫單，同佢解釋由於我地唔食肉，想將配菜既肉類轉煎荷包。佢係咁話唔得，叫我地走餸。我就話唔係，係個餐有配肉類而我地唔食，想轉做煎蛋姐。跟住佢又話咁幫我地將個炒蛋轉煎蛋。果下我有D躁，再重申，炒蛋點都會配埋架啦，宜家我地係唔食肉，唔等於轉炒蛋，因為本身都有，我地係想將份肉類轉煎蛋。佢終於明，話問下先。過左陣，第二位侍應就黎，又講多次話: 唔轉得架喎，一係你直接走餸 (唔要配既肉)，或者你想食煎蛋幫你將個炒蛋轉煎蛋。果陣我真係好不解，直接表明其實將肉轉蛋又唔會令餐廳多左成本，亦不會對廚師造成任何不便，更加不是一個不合理的要求。而且都係為左客人姐，接受呢個要求絕不過份，又可以體諒一D食素既客人。我再同佢講一係你問問經理啦。佢話已經問左，係唔轉得。如果不是因為母親大人想食佢地既蕃茄薯仔濃湯螺絲粉，我一定走。講真，咁大間鏈鎖式餐廳呀，唔係酌情遷就顧客少少既要求都唔可以呀? 仲要係一個微不足道同合理既要求。你可以

有沒有跟我一樣，喜歡吃港式早餐？我會四處試港式早餐/常餐的人。翠河的分店水準參差。以前吃過某些分店都不錯的。早餐E熱檸茶正常，但用膠杯風味大減。意大利蕃茄 薯仔 濃湯 螺絲粉像茄膏罐頭開的湯，一般般啦。北海道牛乳炒滑蛋 有看過我其他食評的都知，個人喜好係討厭未熟的炒蛋。未熟的炒蛋當作炒得滑，no way。這個生蛋汁很多 ，一般般啦。蒜香牛油 多士正常，可以。整體上只能說是ok 的，又不能說是難食的....

每一次回到美孚飲食，都會是家庭式的。人多時，就上茶樓一聚。人少的一天，就會去區內的茶餐廳/快餐店，簡單幾味家庭外膳。這一個晚上，我們就選擇了《翠河》來一個簡單的家常便飯。我們是客家人家庭，當看見 menu 上有扣肉時，總會覺得份外的開心。一份扣肉的小菜套餐，份量不大，剛剛好夠我們4人享用。其扣肉入味，夠腍夠肥美，是不錯的。氹小朋友食飯，我們也點了一份生炒骨。生炒骨用的是肉排，肉既比例勝過骨。酸味重一點，甜味剛剛好亦是生炒骨同咕嚕肉的明顯分別。西檸雞，香脆的炸雞配上檸檬汁，味道酸酸甜甜，小朋友喜歡，大人也喜歡。最重要就是雞件夠脆，伴飯吃更可口。最後就是跟餐送的油菜。生菜，是百搭的，爽口甜美，就是好味道。可以是因為有裝修工程，所以環境上不太好。但食物不錯，已令人叫開心。

Menu is filled with Hong Kong local eats, a cha chaan teng (茶餐廳) chain store I would happily recommend to tourist as well as locals because it offers all kind of Hong Kong local eats at a comfortable environment. Many of you are familiar with this restaurant, as it is a common local eatery All Day Set A(常餐A) : Black truffle scrambled eggs on toast (with a choice of our own Hong Kong style soup noodle, see below). I loved this so much, as eggs were still soft and slightly raw, I can have it almo

走過這餐廳，看到玻璃上貼着一張下午茶的宣傳海報，豉油雞腿加紅豆冰，只要$28。入內叫了一客，雞腿頗大隻，味道也不錯，可惜煮的時間過長，肉質不夠嫩滑。紅豆冰的紅豆很軟，但味道太甜。餐廳以卡座為主，環境舒適，餐廳內的侍應不少，但我不停揮手，侍應總是看不到我，幸好後來為我點餐的侍應很有禮貌。

寫E篇食評之前有睇過其他食評批評翠河餐廳D員工服務態度，所以只係用手機叫外賣自取，可以撇除餐廳食物外嘅因素評價。野食份量吾多吾少，同平日茶餐廳果D差吾多，可以話係吾會太飽，味道吾會特別突出。但勝在可以用GULU叫餐外賣自取，趕時間果時會方便d。Overall質素一般。

馬鞍山耀鞍邨分店服務員的服務質素，全店員工服務態度也十分惡劣，令人相當忿怒。說人手不足，把所有食物，單，也＂掟＂在檯上。當我想下單時，舉手很久也沒人回應。我走到一女服務員身邊希望她給我下單，一句說不清楚，就呼喝我，後來我媽媽向另一女服務員下單，被說得慢又得到同樣的對待。我跟員工說，可否態度好些少，但得到員工很差態度回應：「吾夠人係甘嫁啦！」人手不足也不是無禮的理由，沒人希望會得到這樣的對待，所有事情都是將心比心，以後也不會光顧!