臨記車仔麵 (已結業)

中学时期成日上竹园去同学屋企打麻雀，今日趁凑左大帝番学后过来同朋友食个lunch倾下计，我地黎左临记车仔面自助系收银柜枱点餐，后自行取餐，我地叫左1个牛魔王加脆味豚爽肉唐生菜猪肠溏心蛋河粉传统汤加特色小辣酱，油炸鬼鸡翼，孜然新疆鸡翼，酸斋牛魔王有牛腩牛肚牛丸萝卜韮菜劲多料，传统汤底系咸咸甜甜煮牛腩既五香腩汁汤? 加小小特色辣酱好惹味，牛腩牛丸够淋够入味，牛丸不过不失，萝卜淋甜猪肠洗得干净唔会好油亦煮得入味。 脆味豚爽肉系另外上既唔会整到淋晒，外脆肉爽好好味，好香口，口感好正。溏心蛋一咬爆晒蛋汁出黎都唔错。酸斋酸酸甜甜好开胃油炸鬼鸡翼外层好似油炸鬼粉浆包住鸡翼咁好脆口，几有特色。孜然新疆鸡翼亦都几好味。豆浆好够豆香味环境装修企理干净有别于一般车仔面店，收银，出餐阿姐有礼貌朋友间因为结婚生小朋友都会有所疏远，今次大家都把握住小朋友番学时间见见面，谈谈天，希望之后都可以keep住联络。