臨記車仔麵 (已結業)

我到 竹園村臨記車仔面，叫豬脛飯套餐，菜心，橙汁。費用$58，之前食餸好多人價錢合理，但今日發現餸太少，問職員太少，佢話公司改左份量，減少左價錢不變，我日後不會叫，因為員工對答不禮貌

Cart noodles is a pretty popular item in Hong Kong. I guess it's due to the power of  completely creating your own bowl of noodles is why it's so popular. 臨記車仔麵 (English name: Good Take Cart Noodles) seems to have created a more mainstream fast food concept.  The menu is in English and Chinese. There is no 10% service charge and you order and pay at the cashier, where you pick up your meal at another counter just like  places like Cafe de Coral.But for some reason, people here don't order the ca

都有好一段時間冇去過黃大仙，今日見冇乜嘢做咁就出去搵一個老朋友，唔知係咪我太耐冇去呢個地方，定抑或依家真係冇乜人行街，真係好似周圍都冇咩人，泊車又容易行街有冇人，你可以話係舒服啲又可以話冷清清，今日幫襯左一間較為新嘅車仔麵，最簡單就係食個牛腩米粉，牛腩分量足夠湯底香濃，米粉分量足夠性價比高，但係對於我來講可能都係舊式啱我口味！

早排7月中行黃大仙時，突然醒起竹園有間車仔麵仲有蕃茄湯選擇，就突登由黃大仙步行上竹園。經過20幾分鐘終於行到上去，見到個門口放咗好多盅頭飯同粥既poster，個陣仲以為佢咗多元化做咁多樣野，排隊排到我時我望望個menu 搵極都搵唔到我最想食既 車！ 仔！麵！ 所以我就失望而回走去竹園街市搵食

竹園街市出面 臨記 茶餐廳格局鋪頭名車仔麵 但係冇賣車仔麵嘅……自助式冇待應 先買票後自取食物碗筷好幾張枱都未執嘢 枱面醬料剩少少 有啲亂亂咁……牛丸/魚旦粉 $17可選 河粉 米粉 米線 但冇麵 冇麵 冇麵魚旦2粒 魚片2片 魚皮2片 炸魚角1件 多料嘅 魚旦靚 彈口唔係死實媲美九龍城德X魚蛋粉$37 還要好(個人感覺 不喜勿插🙏)湯底唔渴喉兩住米粉分量少 要飽肚可能要食2碗跟油菜 $10 只有菜心 冇得揀 老菜1堆用碗上 幾條菜未剪斷 亂放咁 唔食也攞有盅頭飯 $18 都好大盅 都多料 可試

因為媽媽去咗旅行所以冇人煮飯俾我食跟住就落咗去街市睇下有咩食又係食$16嘅餐不過今次係食河粉 唔係食飯就係竹園街市 郵局對面呢個應該係竹園來講最抵嗰個魚蛋河粉之前明明河粉好多 依家就越來越少仲要真係少咗好多料咁佢就有兩粒魚蛋 兩塊魚皮 兩塊 同埋一舊魚片頭咁佢個湯底呢都幾好飲嘅係魚湯 不過都重味精整體來講呢 都OK嘅 不過如果俾我揀我會食佢嘅飯因為好似抵啲 佢啲飯呢就一個$18最抵 每日都有唔同嘅 今日就係北菇蒸雞飯 同埋鳳爪排骨飯

魚蛋河粉🍜$16自家製鮮竹卷🙈$10 $16一碗魚蛋河😮全日供應😝確實抵食👍另外加$7有飲品😉魚蛋河真係幾足料☺魚蛋兩粒，片頭一件，魚片三塊，仲有兩塊魚皮同菜😎味道都幾好😝自家製鮮竹卷，味道一般🙈油炸食物，無乜特別，可以唔駛試😂天水圍丶沙田同藍田都有分店😎臨記車仔麵 (黃大仙)黃大仙竹園道15號竹園南邨竹園商場地下S002號舖

臨記推出了16蚊的粉麵，前排的就係魚蛋粉了，堂食16蚊，外賣就加1蚊，所以我有時都會買返屋企食，用完的外賣碗仲可以留返帶飯返工時，一物二用。今次我就買左一碗魚蛋粉返去了，雖然係16蚊，係其實一啲都唔細碗，對一個女仔嚟講一定夠飽，男仔就當然睇返食量啦，佢有兩粒魚蛋，仲有魚片、魚片頭同埋魚皮，料方面都真係豐富，潮州白魚蛋雖然未必有人地手打個啲咁彈牙，但係彈牙程度都ok。至於河粉都幾多，對我嚟講都夠飽，湯底方面個魚湯都幾清甜好味，配河粉真係一流，而且就算外賣佢係會分碗，不怕返到屋企河粉索晒湯而脹晒，當然鼓勵大家用外賣盒盡量循環再用，或自攜外賣盒去購買。而魚皮佢地都係另上的，所以唔會淋左，不過我個日個包魚皮就好明顯有新有舊，因為有一塊同啲碎比較淋，但另外兩塊就卜卜脆，明顯唔同味，好味好多。

媽媽不在家，獨個兒晚飯。喜歡吃麵的我，隨意到家樓下的麵店。店名寫上「臨記車仔麵」，但是進內後發現餐牌是沒有車仔麵！不過不想再找別的店，便看看餐牌上有沒有其他想吃的食品。最後選擇了「牛腩麵加牛丸河粉」，要求了走蔥花，另外加了一個小食「自家製鮮竹卷」，飲品點了「凍檸茶走甜少冰」。首先，店舖是快餐店的形式，先付款後取食物，其實店內食客佔全間店舖只是三份之一，但等食物的時間比一般粉麵店還要等長一點。到了叫我的籌號，看到取餐處的擺放位置沒有一碗是有牛腩的！於是跟服務人員說了。不過這不是重點，重點是我很討厭吃蔥花，說了不要還加了！凍檸茶走甜也沒有走！鮮竹卷一條分開三小塊，但可以有熱有凍，不是我擺放長時間而冷卻，吃第一口是凍，吃第二口是暖，吃第三口是熱！翻熱也可以翻到一條有三個溫度！有人請也不會再來！

係而家叫一碗飯食都要4-50蚊既時代竟然仲有十幾蚊一碗既蒸飯真係好少見！！呢間臨記之前都食過一次未轉menu之前有車仔麵揀而家就只有粉麵同小食但就多左個18蚊蒸飯！簡直就是良心企業鳳爪排骨飯（$18）只係需要18蚊！就可以食到蒸飯份量同平時酒樓食到既差唔多鳳爪2隻加5塊排骨飯香質素一流撈埋d醬汁 味道非常出色性價比超高友人點左一碗牛根牛腩河，腩汁好出色而牛根爽滑彈牙，不錯不錯忟到好淋滑而且腩汁味道出色河粉既質素都值得一讚爽口彈牙

裝潢都算係新式，比人一種好舒服乾淨既感覺一入到去先睇menumenu好簡單粉麵同小食我就叫左五寶湯河，另加牛根同紫菜呢度係自落單比錢再等叫number既即叫即整有d似南記等左大約5分鐘記見到自己個number五寶湯米線份量都算多同大份五寶每一種丸都有一粒另有魚片2片呢個價錢都算唔錯湯好清甜，唔係味精湯麵質較硬，如果鐘意淋身麵既可以係落單既時候同店員講炸魚皮我地叫左小食黎share呢個真心推薦口感爽脆而且唔算重口味

今日同婆婆去竹園邨探遠房親戚，臨走前同婆婆食個下午茶，本身我喜歡食車仔麵，而且之前食過藍田分店，所以行左入去嚟間食進去後見到座位比藍田店更闊落，坐得更舒服安坐後，走出去睇發現暫時只有傳統粉麵，而沒有車仔麵不過傳統粉麵又平又抵食，而且魚蛋河全日也特價$16最後因為我同婆婆也喜歡食牛，叫了五香牛腩河同五香牛筋河五香牛腩河-五香牛腩河加入腩汁後，超好味，另加了牛丸同蘿蔔，牛丸超爽，非常彈牙，蘿蔔很淋再吸了湯和腩汁五香牛筋河-加入大量腩汁，牛筋煙韌而不硬，另加了紫菜同墨魚丸，墨魚丸又脆又重墨魚味，紫菜吸了湯汁更好味炸魚皮-很脆，浸在湯中一至兩秒，在未淋前，快食最正，又脆又吸到湯的味道，同腩汁的味道叫任何粉麵+$10可換郊外油菜一碟，所以加了碟菜心，很淋，連莖也是淋，這代表菜心很鮮嫩

成日大魚大肉既飯局過後，中間都會想食返d正常少少既野，好似港式粉麵呀車仔麵個d呢間我都有成日食開，貪佢平平地又坐得舒服，平日通常都係一家大細開餐多，而我諗唔到食乜就會係度快快手解決一餐。牛筋墨丸米 $37好多牛筋，鋪到成碗米粉都係咁滯，非常之軟腍又入味，而且唔會太膠，好味！另外加多兩粒墨丸，都係大大粒，食到有墨魚粒，係靚既墨丸個湯溝咗腩汁而且米粉又索味，個湯同米粉都好夠濃味，唔係完全清湯咁，啱晒我口味。另外嗌左碟菜心，不過原先都已經有一條，都真係幾足料幾有良心😂自製鮮竹卷 $10炸過既鮮竹卷都幾好食，外面香脆，不過入面d料就唔係好多，整體個味都ok la

臨記係香港都幾多分店，今次要講下係黃大仙屋村既舒適分店～裝修新穎既車仔店麵，但美味依然😋必食佢個魚蛋河$16最緊要係有香脆魚皮，用匙裝係面，唔怕被湯浸淋，配埋彈牙魚蛋同魚片，今時今日食都一碗16蚊仲咁有質素既魚蛋河實屬罕見！五寶湯河$33兩碗魚蛋河既價錢，但餸唔係多好多，個人建議，叫魚蛋河後再加餸，會抵d~五香牛筋河$30湯底已經好夠味，牛筋淋得黎有膠汁，絕對推薦！牛筋有幾大舊，值回票價～香脆炸魚皮$17自家製鮮竹卷$10臨記既炸物都好值得叫黎食，食得出無翻炸，脆到咬落去有聲😍

抵食街坊粉麵鋪!去開黃大仙搵朋友, 肚仔餓就係附近睇下有咩食經過附近見到間粉麵鋪幾新淨, 感覺唔錯就入去食個下午茶🍜魚蛋河竟然只要$16, 呢個年代真係好少見😮於是嗌左個魚蛋河+牛腩($7)+牛筋($7)+紫菜($5), 先$35等於其他鋪一餸麵既價錢另外再嗌左個"自家制鮮竹卷" ($10) 同埋凍檸茶 (跟麵+$7)😋😋😋買野食好似快餐店咁係門口落左單, 跟住自助係取餐位等嗌號碼唔駛就拎到, 仲送多2塊炸魚皮🥰碗粉既整體味道唔錯, 魚蛋幾彈牙牛腩同牛筋都炆到好淋又入味 加埋辣椒醬食, 正👍🏻特別要提既係佢個腐皮卷, 新鮮煎起熱辣辣脆卜卜, 好好味一定要食🤤🤤凍檸茶叫左少甜又真係唔會太甜, 唔錯👌🏻