老川皇

营业中

休息中

早排喺湘X沪食咗个酸菜鱼真系难食到呢…同朋友誓要决定再食一次好食嘅！见到呢间店好评如潮就试吓喽😙。八点零去到都唔需要排队，入去仲见到有几个外国人嚟食，心谂咁出名？叫咗个凉拌海带、酸菜桂花鱼、樟茶鸭同蟹黄豆腐。首先，以为实冇死嘅凉拌，份量系好多，但口感一啲都唔清爽霉晒咁…😨所以食咗几啖都冇再食。跟住就系樟茶鸭，上碟份量唔算多卖相摆碟都乱晒，口感同味道同一般食开嘅烧鸭都差不多😐，不过不失。然后终于到酸菜鱼！虽然未去到哗哗声，但正常好多😢，酸菜同鱼都叫做融为一体嘅，细心啲食都仲食到鱼味，而且听阿姐讲点咗个冇乜骨嘅桂花鱼等唔太食鱼／惊啃鱼骨嘅朋友都可以安心咁食，而且鱼口感嫩滑冇腥味，不错，虽然好像只有半条鱼的说。最后一道蟹黄豆腐，真系简直系垃圾…🤮得咸蛋黄同几粒切咗片嘅蟹柳就当系蟹黄…都算，咁都整得难食先系重点！冇豆腐味之余咸蛋黄亦唔够香，融入唔到啲豆腐度。浪费金钱、QUOTA同时间…不过眼见其他客人都系一锅二锅辣椒…咁奉劝大家想嚟嘅就一定唔好叫呢啲小菜😅。又一餐。