賀喜 (雲疊花園商場) (已結業)

见马鞍山冇乜嘢食，谂住走出大围会好啲啦，点知中仲晒「伏」😤！今次真系忍唔住要写一下意见，一个字「中伏」，今日第一次试呢间嘢，首先寿司&刺身唔新鲜，天妇罗唔好食，乌冬正常。当中最意想不到系寿司什锦中既吞拿鱼（拖罗）寿司，一上枱我地不禁问服务员呢件系乜野，佢答我系拖罗，我地吓咗一声，见个颜色咁样，我就问系咪烧过呀？惊为天人既答案就黎喇⋯⋯服务员回应「我地呢d系新鲜拖罗，唔同其他店急冻果d」。有图有真相🥵，件唔知咩既鱼除咗颜色变咗，仲闻到有d怪味。服务员见到我影果件「寿司」，大概5分钟后，就行过黎话「如果你觉得件寿司有问题可以帮你换，不过寿司师傅话冇问题架！」。老实说如果你师傅个标准系咁，换另一件又如何呢🥴。呢间野真系离谱到一个点。所以点解话系伏，只要有食过吞拿鱼（拖罗）既人就会明白。讲完！