S2 鐵板燒 (已結業)

同细路庆祝生日，真系中晒伏。晚餐我地第一台，坐吧台可以睇人煮，系好好既，块铁板则边个油坑好似耐无洗咁， 一开舖入面一浸二手烟味，一路煮一路睇手机， 我哋第一台当然唔使等喇啲𩠌仲好快。D摆盘靓既，屋企人都系咁影相，食落口有就出事la。炒波龙， 沙律酱多到完全食唔到任何味道。炒螺肉， 有一pat 好似味精咁样黑松露酱。果只毛蟹，得果啲啲肉， 同个价钱完全吻合嘅。薄烧和牛卷好清新，因为唔记得落调味。 其实你唔落重好。每次炒亲嘢我都见佢喺个八宝盒度劳过几样预先开好嘅调味酱， 乜𩠌都系𠮶几招，每度𩠌都好似食紧沙律酱咁。炒饭又系加果Pat味精黑松露酱。炒乌冬我个女食晒，好好味呀!因为成碗都系芝麻酱。已经食到成口沙律酱味，𠮶杯怪怪青柠茶想点呀？ 见到咁已经冇心机再影相落去， 最后胶袋煮汤真系创意爆灯， 以为个味道会好特别， 咪又系普通鲜菇加杂菜汤一个。最后甜品仲劲，竟然系我成日食开喺街市雪房 买嘅雪藏泡芙，一模一样，真好野。好彩冇叫𠮶个咩18层海胆刺身杯， 仲话要订咁矜贵， 见到隔离枱， 有条友系咁同老细吹水好似好熟，系咁讲边样好味，𠮶样好味， 佢另一个朋友食左入面嘅刺身一啖之后个样都歪埋就知出事，