槾悠

营业中

休息中

行完宜家到晚饭时间所以就随便揾间餐厅食晚饭，刚好经过见系新开张又唔洗等位就入咗去。两人餐价钱算合理所以就冇咩点谂就order咗。一上就上咗个半只海南鸡，发现鸡髀附近嘅肉非常生，接近刺身等级，只好净食鸡胸比较熟嘅位，味道就只是普通雪鸡味。之后上咗个生菜包，啲炒肉都普普通通正常味，但生菜居然系用罗马生菜马拉盏炒通菜就唔错，今餐唯一食得落口嘅菜。温泉蛋带子海胆意粉，成个底都系油，油腻到食咗1/4就已经食唔落。两个人坐一张靠边嘅细枱，但佢啲𩠌菜量唔系多但就个碟劲大，根本唔够位放。总括系非常非常之伏。