GOMNARU

营业中

休息中

佢价钱拍得住尖沙咀/商场入面韩国餐厅一个海带汤$108 定唔知$118 ，见佢都要成一百蚊碗，谂住会有水准啲/特别啲，似韩国有啲用牛骨去煲（仲会食到牛肉粒个只），点知个味系得个咸字，似系去买即冲汤个种。跟住叫左个猪手，价钱好似$250-280左右，系好干同有啲柴，又系净系得个咸字。系幻想到佢应该系雪柜拎一早整好既猪手出黎再摆落微波炉翻热既feel。同之前去某连锁店食过既韩式猪手真系差天共地，猪手系香口入味同埋淋身，好似入口即溶个只。配菜正正常常，有样几搞笑系见到其中既配菜系有白菜仔，印象中一般嘅韩式配菜应该系麻油捞菠菜？而佢地系用白菜仔，仲要系蒜蓉炒过（好港式）最后加加埋埋5旧水埋单。只能话，价钱同佢既质素唔成正比，食物水准系唔值呢个价，真系好似其他食客话斋，交智商税。