微辣大排檔 (已結業)

二人于周日晚用膳，虽然要等十几张飞，但好多人应该揿完飞就行开，都相当快入得。总共三样菜：啫啫肥蚝煲 $159蚝有五只，其他都系姜蒜，味道咸到不堪。水蟹粥 $299叫粥佢嚟个汤俾我，米嘅份量少得可怜。蟹就当然系一小只。窝蛋牛肉煲仔饭 $99落单时店员表明需要等40-45分钟，ok我等。到上菜嘅时候卖相都唔错。咦，餐牌写窝蛋㖞，佢嚟只熟蛋俾我，饭焦多过饭。性价比极度低。味道唔可以话好难食，但非常普通。份量亦相当精致。加埋茶钱加埋一，登记会员95折。二人用餐埋单每人都要3旧。