捌捌陸台式料理 (家樂坊)

营业中

休息中

喺OpenRice上面订咗位 入到去坐𠮶个位完全冇冷气 食咗几分钟成身湿晒 沿途成间舖都冇乜员工 得一两个喺度上紧菜 有时五个喺前台企喺度嘻嘻哈哈倾紧偈 我行埋去问佢哋可唔可以开大啲冷气 佢同我哋讲已经开到最低温度 16度啦 我男朋友再行去冷气底下 结果发现系冇开冷气嘅 呢个时候有一位男职员同我哋讲，佢话系佢哋经理整坏咗呢个冷气 所以冇办法 成个过程中系冇谂过任何解决方法 系我哋自己要求调去隔离有冷气张枱 当我哋要求叫佢隔离张枱嘅时候 有一个女员工好唔情愿咁样 黑口黑面 好似系唔想我哋调位 成间舖有几部冷气都系坏咗开唔到嘅 第一次喺香港食嘢系咁鬼热嘅 又热又焗 好似返咗大陆咁 冇冷气都算啦 啲嘢食好唔新鲜 调味料冇晒又唔加 成地都系菜 差啲跣死人 嗌咗个仙草 佢同我哋讲已经冇晒材料 不左一啖仙草俾我哋。。。。。