上勝日本料理 (昌隆工業大廈) (已搬遷) 新店位置

屋企楼下开咗间新嘢，收工求其食个饭，谁知唔试由自可，一试吓到傻咗！$188上胜特盛丼，DNGH胶兜？你冇睇错真系胶兜，仲要系6吋细细只你去BBQ$6.9十只𠮶啲发泡胶兜，全套即弃餐具连豉油碟都系，个感觉好差好差。算，我睇返碗饭，鱼生切薄少少好正常，未去到灯影级数，但睇真啲，三文鱼系边位仲连住内皮，海胆个面已经开始干，鱼籽得保济丸咁大粒，万幸嘅系佢未算太唔新鲜，全部要靠豉油吊味，山葵欠奉，我写到呢度未肚痛已当赢。以为冇得再输？少年你太年轻喇，我掀开鱼生见到啲饭啡色嘅！因为佢根本唔系寿司醋饭，而系豉油饭！问你死未！收我咁嘅价钱茶都冇杯，连水都冇，算我运滞唔带眼识餐厅。