順德公漁村河鮮酒家

营业中

休息中

星期日的晚上(不是节日时间)黎食晚餐，晚上7点半，鸡肉卖哂，餐牌上的鱼类都话无哂，只可叫鱼缸入面嘅时价海鲜，都唔紧要，硬食。但星期日晚繁忙时间厨房师傅唔够，等咗40分钟先开始有第一碟嘢食，之后再等多20分钟，啲𩠌菜先陆陆续续黎，以为自己食紧法国菜😅。除咗用餐时间，𩠌菜份量都似法国菜，个碟大大碟，得鸡碎咁多，一碟例牌咕噜肉，得十粒肉，建议 贵客需自行嗌加大份量，先会有机会够食。师傅唔够，自然有啲𩠌菜都冇得食。例如餐牌有嘅炒粉面饭(是例牌果啲，不是碟头)，都无得叫，想试下佢炒饭嘅功夫都试唔到。要食饭，就只系得白饭。如果真系人手不足，净系做得几碟小炒，应该净系做套餐，至少早啲俾客人知道。本身用左openrice都好一段时间，一直都系CD rom，但食完之后谂落都系唔对路。虽然佢系一间老店，但希望佢会有所改进，越做越好吧。