影片
更多
2022-10-02
516 浏览
今日同朋友经过D2 place 二期，见到呢间餐厅外观同装修都好似荔园，贪得意就话入去试吓，就系咁，我哋揭开了失望午餐嘅一页……开头谂住试吓佢的点心，叫了雪兔虾饺王，跟住点餐的姐姐话雪兔虾饺王卖晒，叫呢样会比普通虾饺我得唔得，我谂住最紧要有得食，当然应承。跟住我哋想点干炒牛河，店员姐姐话卖晒，跟住想叫焦糖炖蛋，又话今日无。最后点了蕉积馒头及鲜虾趣意肠，难得佢哋有虾，我哋点了两样食物都有虾。蕉积馒头最先嚟到，卖相有趣，系一条香蕉型嘅馒头，可惜食落口超靭，咬极都咬唔开，我已经即刻趁热食，最后我唯有用刀切开跟住虾饺到，一笼得两只$30，好食嘅话唔紧要，我咬开一半，啲虾口感比较霉，不太新鲜。接着嘅鲜虾趣意肠，啲虾嘅质素都系差唔多。食完呢几个点心完全唔饱之后，我哋已经冇信心再点其他嘢食，最后点了较稳阵的Movenpick雪糕食。可惜，我哋等咗好耐雪糕都未到，于是我请店员跟进，再过多5分钟雪糕到，惟店员比错了另一只味道我，我马上同佢讲比错咗，佢即时发晦气了一声，跟住大动作的攞返两盒雪糕。食完整餐，最好食稳阵是那杯雪糕😔 有感现在餐饮业竞争非常大，服务质素、食品质素及环境整洁度缺一不可，有时候，用心
开头谂住试吓佢的点心，叫了雪兔虾饺王，跟住点餐的姐姐话雪兔虾饺王卖晒，叫呢样会比普通虾饺我得唔得，我谂住最紧要有得食，当然应承。
跟住我哋想点干炒牛河，店员姐姐话卖晒，跟住想叫焦糖炖蛋，又话今日无。最后点了蕉积馒头及鲜虾趣意肠，难得佢哋有虾，我哋
点了两样食物都有虾。
蕉积馒头最先嚟到，卖相有趣，系一条香蕉型嘅馒头，可惜食落口超靭，咬极都咬唔开，我已经即刻趁热食，最后我唯有用刀切开
跟住虾饺到，一笼得两只$30，好食嘅话唔紧要，我咬开一半，啲虾口感比较霉，不太新鲜。接着嘅鲜虾趣意肠，啲虾嘅质素都系差唔多。食完呢几个点心完全唔饱之后，我哋已经冇信心再点其他嘢食，最后点了较稳阵的Movenpick雪糕食。可惜，我哋等咗好耐雪糕都未到，于是我请店员跟进，再过多5分钟雪糕到，惟店员比错了另一只味道我，我马上同佢讲比错咗，佢即时发晦气了一声，跟住大动作的攞返两盒雪糕。
食完整餐，最好食稳阵是那杯雪糕😔
有感现在餐饮业竞争非常大，服务质素、食品质素及环境整洁度缺一不可，有时候，用心做好一款食品总比大堆头好。
张贴
