Krua Walaiphan (已搬遷) 新店位置

星期日晚上七点几，原本想去食牛肉面，因为米之莲效应，太多人排队，唔想等，见呢间食评不错，于是转食呢间泰国菜。因为冇book位，等咗一阵，坐门口位，看一看餐牌，比较少选择，菜只得炒通菜一款，价钱也在中上价，谂住稳阵D，叫咗虾饼、炒金边粉、炒通菜。我地七点半倒入座，第一道菜系虾饼，差不多八点先有得食，原因系佢地不断只做外卖生意，不断地包外卖，完全当堂食客冇到！有个外国人迟过我地入嚟外卖，仲快过我地有，不但如此，有一家四口，两大两小，唔知系咪因为叫白酒饮，迟过我地入，但快过我地有得食！讲番食物，全部都超级唔掂！虾饼好细件，完全唔弹牙，冇虾味，个酱怪怪地，只得甜味，难食！食完个虾饼，等到天荒地老，原本想取消想走，个炒金边粉终于来，成碟粉，只有两只虾，少量豆腐，但大量冬菜，碟粉好湿，系一pat野，味道又系怪的，虾亦未见得新鲜，一个字，差！因为唔想浪费，夹硬食完碟粉，炒通菜先嚟，个通菜完全唔掂，干真真，仲超辣，冇其他味，只得辣，极难食！呢餐饭食到差不多九点，每一道菜食完先有下一道菜，上菜慢到无伦，只顾做外卖生意，叫酒饮先快D有得食，食物质素差，又难食，完全中伏！一定不会有下次！