Rainbow Bistro (已結業)

本来喺附近食日本嘢，点知啲位俾人订晒要坐吧枱位，但太阳晒住好热所以就转地方！🥺之前经过几次见呢间好似唔错，见午餐牌有钟意食嘅酿鸡胸，满心欢喜即刻就入去。前菜系沙律或者是日餐汤，今日系粟米忌廉汤我拣咗汤，嘢饮拣咗免费嘅冻茉莉花绿茶，食物好快上枱，个汤不过不失正正常常，嘢饮一个淡字冇乜味，主菜跟住嚟咗卖相几靓，薯条炸得唔错，不过鸡胸…..切开试咗一个字非常失望，鸡胸肉好难整到滑就预咗，但里面系完全冇味，蘑菇夹住𠮶啲位就有少少味，但蘑菇同芝士本身都好少、完全食唔到芝士味咁滞，问佢有冇黄芥辣佢就话冇，唔明点解西餐厅会冇？同佢反映佢就话俾啲盐我，本身饮汤问佢攞咗黑胡椒，所以我话唔使，我落咗黑胡椒但都系冇味，最终净系食咗少少夹住蘑菇同芝士嘅肉，跟住真系食唔落，非常失望埋单走人，埋单嘅时候再同佢讲啲鸡肉冇味，不过佢都系冇出声，服务态度唔系太差，但系出品有问题客人同你反映你都冇正视谂住处理，依间餐厅发展空间有限。