BRICK LANE Deli (已結業)

之前去过尖沙咀Brick lane食过觉得唔错，所以朋友问我食咩个阵 就想试吓沙田呢间。新城市入面假日晚市咁快有位嘅餐厅好少有，不过食完就明晒点解。朋友同我都叫左C1 流心蛋芝士烟肉意大利面 跟汤同野饮前菜汤同沙律先上。沙律不过不失。汤就唔掂了，饮到粉粉地口感，而且淡而无味，如果上面唔系有粟米同蘑菇，我真系饮唔出系咩汤。呢个意粉中文名虽然冇写，但英文名其实写住spaghetti carbonara ，所以我地expect佢系卡邦尼黎。但系食落口唔好讲卡邦尼，连白汁味都冇，又系淡而无味。再者烟肉食落好似火腿咁，上面条配菜（唔肯定系咪芽菜）好生，味道唔夹个意粉。另外仲叫左个猪肋骨，呢个味道反而唔错，酱汁几惹味。配菜薯仔ok好食。整体黎讲非常唔推荐。员工服务好一般，而且食物质素对唔住个价钱。同区实在有太多更好嘅选择。