影片
更多
2024-06-15
2234 浏览
今日庆祝父亲节，夜晚拣咗每人$418嘅set，又话有龙虾任上，俾佢伏咗入嚟。一开始上咗个茶碗蒸，还好，跟住每人一碗花胶汤，有嚿花胶喺入边但系好难饮，唔系见仁见智，而系真正客观嘅难饮。之后就上咗个鸡煲，鸡同洋葱普普通通冇乜特别，还过得去。佢出边摆啲𩠌任夹，但啲菜好似冇洗过咁。之后就上重头戏啦，要我哋拣汤底，我拣咗蕃茄汤，跟住佢用个汤去蒸海鲜，包括带子扇贝鲍鱼同埋龙虾。𠮶阵时我已经觉得唔掂，因为有浸臭味传出嚟，原来系个蕃茄汤嘅问题。我人生未试过闻到啲咁难闻嘅蕃茄汤味，你以为佢系正常𠮶啲鲜茄味，但系佢系啲浓郁嘅臭味。之后煲咗一阵开盖，先唔讲啲龙虾韧度成嚿橡筋咁，其他全部都难咬到食唔落。勉强搞掂完啲蒸嘅嘢，去到最地狱嘅环节，打边炉。基本上佢所有嘢都有阵噏味，再加埋落啲臭嘅蕃茄汤，再点啲我出去攞嘅咸到发骚嘅豉油，成个味觉体验直接落咗地狱。我而家食咗一半就唔想食落去所以喺度写食评，希望唔好再有人中伏🙏🏿
一开始上咗个茶碗蒸，还好，跟住每人一碗花胶汤，有嚿花胶喺入边但系好难饮，唔系见仁见智，而系真正客观嘅难饮。
之后就上咗个鸡煲，鸡同洋葱普普通通冇乜特别，还过得去。
佢出边摆啲𩠌任夹，但啲菜好似冇洗过咁。
之后就上重头戏啦，要我哋拣汤底，我拣咗蕃茄汤，跟住佢用个汤去蒸海鲜，包括带子扇贝鲍鱼同埋龙虾。𠮶阵时我已经觉得唔掂，因为有浸臭味传出嚟，原来系个蕃茄汤嘅问题。我人生未试过闻到啲咁难闻嘅蕃茄汤味，你以为佢系正常𠮶啲鲜茄味，但系佢系啲浓郁嘅臭味。
之后煲咗一阵开盖，先唔讲啲龙虾韧度成嚿橡筋咁，其他全部都难咬到食唔落。
勉强搞掂完啲蒸嘅嘢，去到最地狱嘅环节，打边炉。
基本上佢所有嘢都有阵噏味，再加埋落啲臭嘅蕃茄汤，再点啲我出去攞嘅咸到发骚嘅豉油，成个味觉体验直接落咗地狱。
我而家食咗一半就唔想食落去所以喺度写食评，希望唔好再有人中伏🙏🏿
张贴