Rerere1001日式串燒 (已結業)

出去食饭，间唔中一次半次伏系预咗既。拣新餐厅，三次其实预咗两次伏，但系今次可能真系人生最伏。今日突然想食Yakitori，拣咗一间未试过但有唔错食评嘅，我唔期望有Birdie或Toritama既质素，但系睇啲相见佢正正常常就决定一试。一般黎讲，食评有几多真几多假其实好难估，我通常都会睇吓啲相望吓师傅整出嚟嘅嘢食个卖相，就算食完之后系伏左，都算心服口服。我一路以来都系一个CD-ROM，好食嘅唔好食嘅都唔会写食评，因为懒。有时食紧既时候好有冲动去写食评，但系返到屋企都唔会花时间去写。今次真系一个 Exception。Anyway，讲返啲嘢食- 烧牛舌好似咬橡筋；- 粟米烚熟之后用火枪烧㶶个边就当烧粟米；- 鸡冇鸡味，只有雪味；- 调味极端，一系咸死一系完全冇味；- 唯一可取嘅应该系杯嘢饮。柚子梳打做得唔错，啤酒都好饮。我实在谂唔起几多年冇试过食饭食到咁嬲。如果有一个cut loss机制，我谂我食完头两碟之后就会起身认输。