影片
更多
2024-05-01
2455 浏览
伏？未至于。。。只不过低CP。话说寻日系中环想食一间韩烧不过因为太多人，唯有下次再去。经过呢间日式烧肉店，主打日本产顶级高崎和牛，见到佢门口个promotion 好吸引，二话不说入去试下。不过 ，下次真系要小心留意餐牌😂 呢间餐厅行高档路线，餐牌定位偏高。由于无book枱，所以我哋系坐散枱食，点左门口个两周年$988 套餐。首先上沙律，正常操作。之后和牛他他，用较后腿位置切碎，入口有少少口感，唔会全肉免治出水，上面嘅鱼子酱亦都有奶油香，好夹，几好食。之后开始烧烤，首先系两款澳洲产牛肉，包括牛舌，由于老婆唔食牛舌，店员帮佢转左牛横隔模部位(skirt ?）。有专人烧埋俾你，熟度刚好，牛舌好滑，好好食。之后开始进入食日本高崎和牛，当中包括牛柳，肩三角，西冷，上板键（其实 flat iron 假如自己开过其实系筋上面件肉) 偏软身，香滑，同埋龟之甲 （由于系偏后腿嘅肉，即使有油花都系会较前者无咁软滑，但系因为油脂极重所以入口都好甘香）。西冷为寿喜烧 Sukiyaki 做法（ 不过店员系描述嘅时候讲左做 yaki-suki, 嘅个低级错误唔应该系呢种级数嘅餐厅出现，Suki 辛苦了😂) 配大分
话说寻日系中环想食一间韩烧不过因为太多人，唯有下次再去。
经过呢间日式烧肉店，主打日本产顶级高崎和牛，见到佢门口个promotion 好吸引，二话不说入去试下。不过 ，下次真系要小心留意餐牌😂
呢间餐厅行高档路线，餐牌定位偏高。由于无book枱，所以我哋系坐散枱食，点左门口个两周年$988 套餐。
首先上沙律，正常操作。之后和牛他他，用较后腿位置切碎，入口有少少口感，唔会全肉免治出水，上面嘅鱼子酱亦都有奶油香，好夹，几好食。
之后开始烧烤，首先系两款澳洲产牛肉，包括牛舌，由于老婆唔食牛舌，店员帮佢转左牛横隔模部位(skirt ?）。有专人烧埋俾你，熟度刚好，牛舌好滑，好好食。
之后开始进入食日本高崎和牛，当中包括牛柳，肩三角，西冷，上板键（其实 flat iron 假如自己开过其实系筋上面件肉) 偏软身，香滑，同埋龟之甲 （由于系偏后腿嘅肉，即使有油花都系会较前者无咁软滑，但系因为油脂极重所以入口都好甘香）。
西冷为寿喜烧 Sukiyaki 做法（ 不过店员系描述嘅时候讲左做 yaki-suki, 嘅个低级错误唔应该系呢种级数嘅餐厅出现，Suki 辛苦了😂) 配大分県兰王蛋食，口感超滑，好腻好肥美。
中间亦都有蔬菜同大虎虾，分隔不停狂食和牛，同减低油腻感。虎虾系越南产，大只，好好肉，弹牙，不过虾味好弱，要加多啲盐先可以。
最后有个海胆樱花虾捞面，好食嘅，马粪海胆鲜度一般。然后甜品。
呢度环境几好，服务几好。不过出餐非常慢，中间idle time 太长。当天唔算好爆场。每张枱分隔唔算太远，旁边张枱嘅客人听到对话应该系中层以上人士，好似识好多野，粗言秽语都好有研究，真系大声左少少，食得好唔舒服。
最后埋单，叫左两杯$88🍻，共银HKD$2467. 咦？原来套餐系每位$988，再加10% svc. 所以出现呢条数。门口offer 无写明，入座去到点单亦都无讲明，下次大家真系要问清楚，免得有咩误会啦😂
老实讲，呢个价钱CP值又唔算特别高，平均每人千几蚊其实好多地方都食到，味道几好，所以又未至于伏。下次再去前少少嘅果间韩烧再同大家分享过👍
利申： 全自费，Walk In.
张贴
